કોરોના વાયરસના કહેર વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે અત્યારસુધીની સૌથી મોટી રાહત પેકેજને મંજૂરી આપી દીધી છે. શુક્રવારના રોજ અમેરિકાના સદનમાં 150 લાખ કરોડ રૂપિયા (2 ટ્રિલિયન અમેરિકી ડોલર) આર્થિક સહાયતાની જાહેરાત કરાઇ, જેને રાષ્ટ્રપતિ ડોનાલ્ડ ટ્રમ્પે પણ મંજૂરી આપી છે. અમેરિકાના ઇતિહાસનું આ સૌથી મોટુ પેકેજ છે. વૈશ્વિક મહામારી કોરોનાથી થયેલા નુકસાનને પહોંચીવળવા માટે આ આર્થિક પેકેજનો અલગ-અલગ રીતે ઉપયોગ કરવામાં આવશે.
અમેરિકાએ પોતાના ઇતિહાસનું સૌથી મોટુ આર્થિક પેકેજ જાહેર કર્યું
કોરોના વાયરસ સામે 2 ટ્રિલિયન અમેરિકન ડોલરની આર્થિક સહાય
અમેરિકાએ ભારતને પણ આર્થિક મદદનું કર્યું એલાન
રાહત પેકેજથી શું થશે
અમેરિકામાં ડોનાલ્ડ ટ્રમ્પ સરકાર દ્વારા 2 લાખ કરોડ ડોલર (અંદાજે 150 લાખ કરોડ રૂપિયા) ના ઐતિહાસિક પેકેજની જાહેરાત કરવામાં આવી છે. જેમાં અમેરિકાના દરેક યુવા (એડલ્ટ)ને વન ટાઇમ 90,000 રૂપિયા (1200 ડોલર) અને બાળકોને 37500 રૂપિયા (500 અમેરિકી ડોલર) આપવામાં આવશે.
આ રાહત પેકેજમાં અમેરિકાના નાગરિકોને ડાયરેકટ ખાતામાં જમા થશે. આ સાથે વેપાર માટે 367 અરબ ડોલરની સહાય કરાશે. જેના કારણે જે કર્મચારીઓ મજબૂરીના કારણે ઘરે રહ્યાં છે તેમને પગાર ચૂકવી શકાય.
ભારતને 2.9 ડોલર મદદની જાહેરાત
કોરોના વાયરસના કારણે પરેશાનીનો સામનો કરી રહેલા બીજા દેશો માટે સહાયતાની જાહેરાત કરી છે. અમેરિકાના પ્રશાસન દ્વારા દુનિયાના 64 દેશો માટે સહાયતાની જાહેરા કરવામાં આવી છે. જેમાં ભારત માટે 2.9 મિલિયન ડોલરની સહાયની જાહેરાત કરાઇ છે.
જો કે 174 મિલિયન ડોલરની રકમ જે ફેબ્રુઆરીમાં કરાયેલી 100 ડોલર મદદ કરતા અલગ છે. અમેરિકાના સ્ટેડ ડિપાર્ટમેન્ટે જણાવ્યું કે તેઓ ભારતને 2.9 મિલિયન ડોલરની રકમની સહાય કરી રહ્યાં છે. જેનો ઉપયોગ લેબ, નવા કેસ શોધવા માટે, કોરોના વાયરસ ઉપર નજર રાખવા અને ટેકનિકલ એકસપર્ટ સેવાઓ માટે કરવામાં આવી છે.