યુએસ પ્રમુખ ડોનાલ્ડ ટ્રમ્પે 24 ફેબ્રુઆરી એટલે કે આજે ભારતની મુલાકાતે આવ્યા છે. સવારે 11 વાગ્યાની આસપાસ અમદાવાદના મોટેરા સ્ટેડિયમમાં વડા પ્રધાન નરેન્દ્ર મોદી સહિત સમગ્ર દેશવાસીઓ તેમનું દિલથી સ્વાગત કર્યું હતું. મોટેરા સ્ટેડિયમ ખાતે ભારતીયોને સંબોધન કરતી વખતે ડોનાલ્ડ ટ્રમ્પે બોલિવૂડ ફિલ્મોની ખૂબ પ્રશંસા કરી હતી. તેમણે શાહરૂખ ખાન-કાજોલની ફિલ્મ દિલવાલે દુલ્હનિયા લે જાયેંગેનો ઉલ્લેખ કર્યો હતો.
યુએસ પ્રમુખ ડોનાલ્ડ ટ્રમ્પ આવ્યા અમદાવાદના આંગણે
નરેન્દ્ર મોદી સહિત સમગ્ર દેશવાસીઓ તેમનું દિલથી સ્વાગત કર્યું
ટ્રમ્પે બોલિવૂડ ફિલ્મોની કરી પ્રશંસા
ડોનાલ્ડ ટ્રમ્પે પોતાના ભાષણમાં કહ્યું કે, ભારતીય સિનેમાનું કદ ખૂબ જ મોટું છે. અહીં દર વર્ષે લગભગ બે હજાર ફિલ્મ્સ બનાવવામાં આવે છે. અહીંની ફિલ્મોમાં ભાંગરા અને સંગીત ઉત્તમ હોય છે.
તેમણે શાહરૂખ ખાન અને કાજોલની ફિલ્મ દિલવાલે દુલ્હનિયા લે જાયેંગે અને શોલેના પણ વખાણ કર્યા હતા. ડોનાલ્ડ ટ્રમ્પે કહ્યું કે ભારતે વિશ્વને સચિન તેંડુલકર અને વિરાટ કોહલી જેવા મોટા ખેલાડીઓ આપ્યા છે.
તમને જણાવી દઈએ કે, ડોનાલ્ડ ટ્રમ્પે આયુષ્માન ખુરાનાની ફિલ્મ શુભ મંગલના પણ વખાણ કર્યા હતા. હકીકતમાં બ્રિટિશ કાર્યકર પીટર ગેરી ટેચેલે શુભ મંગલ જ્યાદા ફિલ્મ સાથે જોડાયેલી એક ટ્વિટ શેર કરી હતી. તેમણે લખ્યું બોલિવૂડની એક રોમેન્ટિક કોમેડી રિલીઝ થઈ ગઈ છે.