નિવેદન / વ્હાઈટ હાઉસ છોડ્યા બાદ પહેલા વાર નજરે પડ્યા ડોનાલ્ડ ટ્રમ્પ, નવી પાર્ટીને લઈને કર્યુ આ મોટું એલાન

• ટ્રમ્પે ચૂંટણીમાં જીતનો દાવો વાગોળ્યો
•  ટ્રમ્પે  લોકોને પૂછ્યું તમે મને મિસ કરો છો?
• ટ્રમ્પે જો બાયડન પર સાધ્યુ નિશાન

ફ્લોરિડામાં કન્જેર્વેટિવ પોલિટિકલ એક્શન કોન્ફ્રેન્સ(સીપીએસી)ને સંબોધિત કરતા ટ્રમ્પે કહ્યું કે તે નવી પાર્ટી નહીં બનાવે. તેમણે અમેરિકાના નવા રાષ્ટ્રપતિ જો બાયડન પર નિશાન સાધતા કહ્યું કે તેમની અમેરિકા ફસ્ટની નીતિ અમેરિકા લાસ્ટમાં પહોંચી ગઈ છે.

ચૂંટણીમાં જીતનો દાવો વાગોળ્યો

ટ્રમ્પે સીપીએસીને સંબોધિત કરતા કહ્યું કે અમેરિકન રાષ્ટ્રપતિ ચૂંટણીમાં પોતાની જીતનો દાવો ફરી એકવા વાગોળ્યો. તેમણે આ સાથે 2024માં થનારી રાષ્ટ્રપતિની ચૂંટણીમાં એક વાર ફરીથી રિપબ્લિકન પાર્ટીના ઉમેદવાર બનવાના સંકેત આપ્યા છે. ટ્રમ્પે કહ્યુ કે આજે હું તમારી સામે આવ્યો છુ. આ જાહેરાત કરવા માટે 4 વર્ષ પહેલા જે અતુલનીય યાત્રાની શરુઆત કરી હતી. તે હજું સમાપ્ત નથી થઈ. ઘણું બધુ કરવાનું બાકી છે. અમે અહીં મૂવમેન્ટ, પોતાની પાર્ટી અને આપણા પ્રિય દેશના ભવિષ્યની વાત કરવા ભેગા થયા છીએ.

લોકોને પૂછ્યું તમે મને મિસ કરો છો?

ટ્રમ્પે પોતાની વાતની શરુઆતની પહેલા કોન્ફરન્સમાં હાજર જનસભાને પુછ્યુ શું તમે મને મિસ કરો છો અને પછી પોતાની વાત શરુ કરી. ટ્રમ્પે સાથે સ્પષ્ટ કર્યુ કે તે કોઈ નવી પાર્ટી નથી બનાવવા જઈ રહ્યા. તેમણે ફરી એકવાર કહ્યુ ડેમોક્રેટ્સ ચૂંટણી હારી ગયા હતા. કોને ખબર કે ત્રીજી વાર તેમને હરાવવાનો નિર્ણય લઈ શકું છુ. આ સાથે તેણે 2024ની પોતાની યોજના વિશે સંકેત પણ આપ્યા.

જો બાયડન પર સાધ્યુ નિશાન

ટ્રમ્પે કહ્યુ કે આધુનિક ઈતિહાસમાં કોઈ પણ રાષ્ટ્રપતિનો પહેલો કાર્યકાળ આટલો ખરાબ રહ્યો છે. બાયડન પ્રશાસને આ સાબિત કર્યુ છે કે તે નોકરી વિરોધી, પરિવાર વિરોધી, બોર્ડર વિરોધી, એનર્જી વિરોધી, મહિલા વિરોધી અને વિજ્ઞાન વિરોધી છે. એક જ મહિનામાં આપણે અમેરિકા ફર્સ્ટથી અમેરિકા લાસ્ટ પહોંચી ગયા.

ટ્ર્મ્પના દિકરા અને તેમના ખાસ નેતા શામેલ થયા

સીપીએસી વાર્ષિક કોન્ફરન્સ છે. જેમાં અમેરિકાના કંઝરવેટિવ નેતા ભાગ લે છે. જેમાં રિપબ્લિકન પાર્ટીના અનેક અન્ય નેતાઓએ ભાગ લીધો. જેમાં પૂર્વ વિદેશ મંત્રી માઈક પોમ્પિયો, ટેક્સસથી સેનેટર ટેડ ક્રુજ ઉપરાંત તેમના દીકરા ડોનાલ્ડ ટ્રમ્પ જૂનિયર હાજર હતા.