નમસ્તે ટ્રમ્પ / પ્રવાસ પહેલા ભારત સાથે ટ્રેડ ડીલને લઇને ટ્રમ્પે આપ્યું એવું નિવેદન કે PM મોદીને લાગશે ઝટકો

• ભારત પ્રવાસને લઇને ડોનાલ્ડ ટ્રમ્પ ઉત્સાહિત
• અમદાવાદમાં મોદી-ટ્રમ્પનો મેગા શો
• 70 લાખ લોકો સ્વાગત કરશેઃ ટ્રમ્પ

ડોનાલ્ડ ટ્રમ્પને જ્યારે આ મુલાકાત દરમિયાન ટ્રેડ ડિલ  લઇને પૂછવામાં આવેલા સવાલના જવાબમાં કહ્યું કે અમે ભારત સાથે ડીલ કરી શકીએ છીએ. પરંતુ મે આ વસ્તુ પછી માટે બચાવેલી છે. અમે ભારત સાથે મોટી ટ્રેડ ડીલ કરવા જઇ રહ્યાં છીએ, પરંતુ ખબર નથી કે ચૂંટણી પહેલા થશે કે નહીં. 
 

અમેરિકાના રાષ્ટ્રપતિ ડોનાલ્ડ ટ્રમ્પે પોતાના ભારત પ્રવાસને લઇને કહ્યું, ભારતે અમારી સાથે સારો વ્યવહાર કર્યો નથી પરંતુ હું પીએમ નરેન્દ્ર મોદીને પસંદ કરુ છું. પીએમ મોદીએ કહ્યું કે એરપોર્ટથી ઇવેન્ટ કાર્યક્રમ સુધી 7 મિલિયન (70 લાખ) લોકો હશે. અને જે સ્ટેડિયમ છે, જે હજી બની રહ્યું છે પરંતું આ દુનિયાનું સૌથી મોટું સ્ટેડિયમ છે. 
 

ડોનાલ્ડ ટ્રમ્પે કહ્યું કે સ્ટેડિયમથી એરપોર્ટ સુધી જો 70 લાખ લોકો હશે, તો આ શાનદર હશે, આશા છે કે તમને પણ મજા આવશે. 

ઉલ્લેખનીય છે કે 24 ફેબ્રુઆરીના રોજ ડોનાલ્ડ ટ્રમ્પ ભારત પહોંચશે, સૌ પહેલા તેઓ અમદાવાદ આવશે. એરપોર્ટથી સાબરમતી આશ્રમ સુધી એક રોડ શોનું આયોજન થશે, ત્યારબાદ બંને નેતા સાબરમતી આશ્રમ મહાત્મા ગાંધીજીને શ્રદ્ધાંજલિ આપશે. અમદાવાદમાં બની રહેલા દુનિયાના સૌથી મોટા સ્ટેડિયમનું ઉદ્ધાટન ડોનાલ્ડ ટ્રમ્પ કરશે. જ્યાં નમસ્તે ટ્રમ્પ નામનો એક કાર્યક્રમ યોજાશે.