અમેરિકી રાષ્ટ્રપતિ ડોનાલ્ડ ટ્રમ્પ અને પ્રધાનમંત્રી નરેન્દ્ર મોદી આવતીકાલે અમદાવાદની મુલાકાત લેશે. તેમના આગમનને લઇને ચુસ્ત બંદોબસ્ત ગોઠવી દેવામાં આવ્યો છે. ગુજરાત પોલીસ અને કેન્દ્રીય સુરક્ષા એજન્સી દ્વારા ચુસ્ત બંદોબસ્ત ગોઠવી દેવાયો છે. કુલ 10 હજાર પોલીસ કર્મચારીઓ ખડેપગે રહેશે.
અંબાલાલ ચૌહાણનું ભગીરથ કાર્ય
સેવકના પણ સેવક અંબાલાલ !
પોલીસકર્મીઓ માટે લાવ્યા પાણી
અમદાવાદમાં અમેરિકાના રાષ્ટ્રપતિ ડોનાલ્ડ ટ્રમ્પને આવકારવાની તડામાર તૈયારીઓ થઈ રહી છે. સુરક્ષાના ભાગ રૂપે હજારોની સંખ્યામાં પોલીસ કાફલો ખડકી દેવાયો છે. ત્યારે અમદાવાદના એક સ્થાનિક તડકો, સમય અને કામના ભારણની ચિંતા કર્યા વિના અવિરત કામ કરતાં પોલીસ જવાનોની મદદે આવ્યા છે. જે પોલીસકર્મીઓને પાણી પીવડાવવી ભગીરથ કાર્ય કરી રહ્યા છે.
અંબાલાલ ચૌહાણ નામના આ સ્થાનિક સવારથી જ 80થી વધુ પાણીની બોટલ સાથે નીકળી જાય છે. સમગ્ર દિવસ તરસ્યા પોલીસ જવાનોને પાણી પીવડાવે છે. તો નિશ્વાર્થ સેવા કરનારા અંબાલાલને પાણીના બદલમાં મળે છે પોલીસકર્મીઓના આશીર્વાદ. તેઓ પોલીસકર્મીના આશીર્વાદને જ પોતાની સાચી મૂડી ગણાવે છે.
10 હજાર પોલીસ કર્મચારીઓ ખડેપગે
25 IPS, 65 ACP, 200 PI અને 800 PSI તૈનાત રહેશે. કુલ 10 હજાર પોલીસ કર્મચારીઓ ખડેપગે રહેશે. મોટેરા સ્ટેડિયમમાં 5000 પોલીસ તૈનાત રહેશે. તો એરપોર્ટ, રોડ શૉમાં એક હજાર પોલીસકર્મી તૈનાત રહેશે. જ્યારે એન્ટી સનાઇપરની NSGની ટુકડીઓ સ્ટેન્ડ બાય મોડ પર રાખવામાં આવી છે. મોટેરા અને ગાંધી આશ્રમ ખાતે સ્ટેન્ડ બાય રાખવામાં આવશે. 120 જેટલા DFMD સ્કેનિંગ મશીન રાખવામાં આવશે અને ડોર ફ્રેમ મેટલ ડિટેક્ટર મશીન પણ લગાવવામાં આવશે.