6 જાન્યુઆરીએ ફેસબુક, ટ્વિટર અને સોશ્યલ સાઈટ્સથી નિલંબિત થયા બાદ ડોનાલ્ડ ટ્રમ્પ પોતાની સાઈટને સોશ્યલ મીડિયા પર લોન્ચ કરવાની તૈયારી કરી રહ્યા છે.
સોશ્યલ મીડિયા પર વાપસી કરશે ડોનાલ્ડ ટ્રમ્પ
બનાવી રહ્યા છે પોતાની સાઈટ
આવનારા 3 મહિનામાં સોશ્યલ મીડિયા પર દેખાશે ટ્રમ્પ
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પને કેપિટલ ઈમારત પર 6 જાન્યુઆરીએ હુમલા બાદ ટ્વિટર, ફેસબુક અને અન્ય સોશ્યલ મીડિયા સાઈટ પર બૅન કરવામાં આવ્યા હતા. પરંતુ હવે ડોનાલ્ડ ટ્રમ્પ સોશ્યલ મીડિયા પ્લેટફોર્મ લોન્ચ કરવાની યોજના બનાવી રહ્યા છે. મળતી માહિતી અનુસાર આવનારા 3 મહિનામાં ડોનાલ્ડ ટ્રમ્પ સોશ્યલ મીડિયા પર દેખાશે. તેની જાણકારી તેમના વરિષ્ઠ સલાહકારે આપી છે.
આ કારણે ટ્રમ્પને સોશ્યલ મીડિયા પર કરાયા હતા બૅન
ઉલ્લેખનીય છે કે રાજધાની વોશિંગ્ટનમાં બબાલ અને હિંસા બાદ તમામ સોશ્યલ મીડિયા કંપનીઓએ ટ્રમ્પને બૅન કર્યા હતા. સોશ્યલ મીડિયા પર ટ્રમ્પને બૅન કરવાની શરૂઆત ગૂગલ અને એપલે પોતાના સ્ટોરથી કરી હતી.
Donald Trump plans to return to social media soon, using "his own platform"
"I do think that we're going to see president Trump returning to social media in probably about two or three months," former advisor Jason Miller tells Fox News pic.twitter.com/a3XPTxtPus
ફેસબુક, ટ્વિટર, યૂટ્યૂબ અને સ્નેપચેટે પણ મૂક્યો બૅન
આ પછી ફેસબુક, ટ્વિટર, યૂટ્યૂબ અને સ્નેપચેટે પણ ડોનાલ્ડ ટ્રમ્પ દ્રારા અપલોડ કરાયેલા નવા વીડિયો કન્ટેન્ટને પોતાના પ્લેટફોર્મથી હટાવ્યા હતા. સાથે જ ટ્રમ્પને ચેનલની સેવા શરતોના ઉલ્લંઘનના આરોપમાં સસ્પેન્ડ પણ કર્યા હતા. સ્નેપ ચેટે કહ્યું કે અમે લોકોના હિતને ધ્યાનમાં રાખીને ડોનાલ્ડ ટ્રમ્પને અમારા પ્લેટફોર્મ પર હંમેશા માટે બૅન કર્યા છે. તેમના એકાઉન્ટથી સતત ખોટી સૂચનાઓ અને ભડકાવનારી પોસ્ટ આવતી રહે છે.
યૂટ્યૂબે શું કહ્યું
યૂટ્યૂબે કહ્યું કે ટ્રમ્પે એક વીડિયો અપલોડ કર્યો હતો જે અમારી નીતિનું ઉલ્લંઘન કરી રહ્યો હતો. આ પછી તેમના ચેનલ પર ઓટોમેટિક સ્ટ્રાઈક આવી. પહેલા સ્ટ્રાઈક સાત દિવસ માટે હોય છે. આ કારણે ટ્રમ્પ 7 દિવસ સુધી પોતાના અન્ય ચેનલ પર કોઈ વીડિયો અપલોડ કરી શક્યા નહીં. આ પછી કંપનીએ સંપૂર્ણ રીતે ટ્રમ્પનું એકાઉન્ટ બંધ કરી દીધું હતું.