ટ્વિટરનાં નવા માલિક મસ્કે ટ્વીટ કરી યૂઝર્સને પૂછ્યું હતું કે શું ટ્રમ્પનો ટ્વીટર એકાઉન્ટ ફરી શરૂ કરવો જોઇએ? આ બાદ ગણતરીની મિનિટોમાં જ ડોનાલ્ડ ટ્રમ્પનું એકાઉન્ટ રિસ્ટોર કરવામાં આવ્યું છે. તો આ ઘટના મુદે ટ્રમ્પએ પોતાનું નિવેદન આપ્યું છે.
ટ્વિટર પર અમેરિકાના પૂર્વ રાષ્ટ્રપતિ ટ્રમ્પની વાપસી
વાપસી બાદ ડોનાલ્ડ ટ્રમ્પે આપ્યું નિવેદન
કહ્યું કે 'હું ઇન્ટેરેસ્ટેડ નથી'.
ગયાં વર્ષે જાન્યુઆરીમાં અમેરિકાનાં પૂર્વ રાષ્ટ્રપતિ ડોનાલ્ડ ટ્રમ્પનું ટ્વિટર એકાઉન્ટ હંમેશા માટે સસ્પેન્ડ કરી દેવામાં આવ્યું હતું. ત્યારબાદ એલોન મસ્કે કહ્યું હતું કે, પૂર્વ અમેરિકી રાષ્ટ્રપતિ ડોનાલ્ડ ટ્રમ્પને સોશિયલ મીડિયા પ્લેટફોર્મ પર પરત લાવવા અંગેના એક સર્વેક્ષણ પછી ટ્વિટર પર તેમનું એકાઉન્ટ રિસ્ટોર કરવામાં આવશે. જોકે, Elon Muskની આ જાહેરાત બાદ ગણતરીની મિનિટોમાં જ તેમનું એકાઉન્ટ રિસ્ટોર થઈ ગયું છે. ટ્વિટર પર વાપસી બાદ ટ્રમ્પે કહ્યું કે 'હું ઇન્ટેરેસ્ટેડ નથી'
ટ્વિટર પર વાપસી બાદ ટ્રમ્પે આપ્યું નિવેદન
એલોન મસ્કનાં ટ્વિટર પોલ પર આશરે દોઢ કરોડ લોકોએ વોટ કર્યો હતો. સૂત્રો અનુસાર પૂર્વ રાષ્ટ્રપતિ ટ્રમ્પે કહ્યું કે ' હું આ બાબત માટે કોઇ કારણ નથી જોઇ શકતો. તેમણે કહ્યું કે 'તે પોતાના નવા પ્લેટર્ફોર્મ 'ટ્રુથ સોશિયલ' પર એક્ટિવ રહેશે'
Elon Musk says Former US President Donald Trump will be reinstated on Twitter after he held a poll regarding bringing him back on the social media platform. pic.twitter.com/fox44GHbYX
ટ્વિટર પર એક પોલ કર્યો હતો પોસ્ટ
એલોન મસ્ક દ્વારા ટ્વિટરની નવી પોલિસી જાહેર કરાયા બાદ તેમણે ટ્વિટર યૂઝર્સને પૂછ્યું હતું કે ડોનાલ્ડ ટ્રમ્પનું એકાઉન્ટ રિસ્ટોર કરી લેવું જોઈએ કે નહીં? એલન મસ્કે ગતરોજ ટ્વિટર પર એક પોલ પોસ્ટ કર્યો. જેમાં તેમણે યૂઝર્સને પૂછ્યું હતું કે ડોનાલ્ડ ટ્રમ્પને ટ્વિટર પર પરત લાવવા જોઈએ કે નહીં? આ માટે મસ્કે યૂઝર્સને વોટ કરવા માટે અપીલ પણ કરી હતી.
51.8 ટકા લોકોએ જવાબ આપ્યો 'YES'
એલન મસ્ક દ્વારા જાહેર કરવામાં આવેલા પોલ પર 2 મિલિયનથી વધારે લોકોએ વોટિંગ કર્યું હતું. લગભગ 51.8 ટકા લોકોએ 'YES'માં જવાબ આપ્યો હતો. આપને જણાવી દઈએ કે, 2021માં સત્તા પરિવર્તન દરમિયાન ટ્રમ્પનું એકાઉન્ટ સંપૂર્ણપણે સસ્પેન્ડ કરવામાં આવ્યું હતું. કારણ કે તેમના ટ્વીટના કારણે હિંસા ભડકાવવાની શક્યતાઓ વ્યક્ત કરવામાં આવી રહી હતી.
અમેરિકામાં ચૂંટણી બાદ ટ્રમ્પનું એકાઉન્ટ કરાયું હતું સસ્પેન્ડ
હકીકતમાં અમેરિકામાં ગયા વર્ષે યોજાયેલી ચૂંટણી બાદ જો બાઈડન રાષ્ટ્રપતિ પદ માટે ચૂંટાયા હતા. આ દરમિયાન ડોનાલ્ડ ટ્રમ્પના સમર્થકોએ વ્હાઇટ હાઉસની બહાર અને અંદર હંગામો મચાવ્યો હતો. ભીડના આ હિંસક પ્રદર્શનને જોતા ટ્વિટરે પહેલા તેમનું એકાઉન્ટ 12 કલાક માટે સસ્પેન્ડ કર્યું હતું અને બાદમાં તેને સંપૂર્ણ રીતે સસ્પેન્ડ કરી દીધું હતું.