અમેરિકાના રાષ્ટ્રપતિ ડોનાલ્ડ ટ્રમ્પનું કહેવું છે કે તેઓ જલ્દી જ તાલિબાની નેતાઓની સાથે મુલાકાત કરશે. સમજૂતીને લઈને ટ્રમ્પનું કહેવું છે કે જો કોઈ ગરબડ કરી તો તેઓ અફઘાનિસ્તાનમાં ફરીથી સેના મોકલશે.
તાલિબાનની સમજૂતિને લઈને ડોનાલ્ડ ટ્રમ્પનું નિવેદન
ગરબડ કરી તો ફરી મોકલશે સેનાઃ ટ્રમ્પ
14 મહિનામાં ફરી સેના બોલાવશે અમેરિકા
લાંબી વાતચીત બાદ અમેરિકા અને તાલિબાનની વચ્ચે આખરે સમજૂતિ થઈ છે. બંને પક્ષોએ અફઘાનિસ્તાનમાં શાંતિનો પ્રસ્તાવ આગળ વધાર્યો છે અને સાથે હવે અમેરિકા પોતાની સેવાને પાછી બોલાવવાની પ્રક્રિયા શરૂ કરશે. આ સમયે અમેરિકાના રાષ્ટ્રપતિ ડોનાલ્ડ ટ્રમ્પે કોઈ પણ પ્રકારની સ્થિતિને લઈને ચેતવણી આપી છે. ટ્રમ્પે કહ્યું કે કંઈ ખોટું થયું તો તેઓ એટલી સેના મોકલશે કે કોઈ વિચારી પણ નહીં શકે.
તાલિબાની નેતાઓ સાથે મુલાકાત કરશે ટ્રમ્પ
વોશિંગ્ટનમાં મીડિયા સાથે વાત કરતાં અમેરિકાના રાષ્ટ્રપતિ બોલ્યા કે તેઓ જલ્દી જ તાલિબાની નેતાઓ સાથે મુલાકાત કરશે. આ ઐતિહાસિક અવસર છે. હાલમાં અફઘાનિસ્તાનમાં અમેરિકાના 13 હજારથી વધારે જવાન છે. અમેરિકા છેલ્લા લગભગ 18 વર્ષથી અહીં લડાઈ લડી રહ્યું છે.
સાથે જ અમેરિકાના રાષ્ટ્રપતિએ કહ્યું કે જો અહીં કંઈ પણ ખોટું થયું તો અમે પાછા આવીશું. હું સ્પષ્ટ કરી દેવા ઈચ્છું છું કે અમે પાછા જઈએ અને તાકાત સાથે પાછા આવીએ. કોઈએ કલ્પના નહીં કરી હોય, પણ હું સમજું છું કે આની જરૂર નહીં રહે. એવી આશા હું રાખું છું.
તાલિબાન અમારી સાથે મળીને આતંકવાદીઓને મારશે
ડોનાલ્ડ ટ્રમ્પે કહ્યું કે તાલિબાની નેતાઓની સાથે જલ્દી જ મુલાકાત કરશે, જલ્દી જ તાલિબાન અમારી સાથે મળીને આતંકવાદીઓને મારશે. તેઓ જલ્દી જ અમારી લડાઈમાં સામેલ થશે. અમેરિકી રાષ્ટ્રપતિ બોલ્યા કે અફઘાનિસ્તાનમાં અમને સફળતા મળી છે. પણ હવે સમય છે જ્યારે અમે અમારા લોકોને પાછા લાવીએ.
તાલિબાન સાથે થયેલી સમજૂતિની જાણકારી આપતાં અમેરિકી રાષ્ટ્રપતિએ કહ્યું કે તાલિબાનની સાથે જે સમજૂતિ થઈ છે તેના આધારે અમે 14 મહિનામાં પોતાની સેના પાછી બોલાવીશું. ઉલ્લેખનીય છે કે અમેરિકા અને તાલિબાનના નેતાઓએ કતરના પ્રવાસમાં સમજૂતિ પર હસ્તાક્ષર કર્યા હતા.