નિવેદન / મને અશરફ ગની પર ક્યારેય વિશ્વાસ રહ્યો જ નથી, દગાબાજ છે, અમેરિકાથી આવ્યું મોટું નિવેદન

• અફઘાનિસ્તાનમાં તાલિબાનોની સત્તા
• અમેરિકાના રાષ્ટ્રપતિ ડોનાલ્ડ ટ્રમ્પે અશરફ ગનીને ગણાવ્યાં દગાબાજ
• ગની એક દગાબાજ માણસ, તેની પર ક્યારેય વિશ્વાસ મુકી શકાય નહીં

ગની એક દગાબાજ માણસ: ડોનાલ્ડ ટ્રમ્પ

અશરફ ગની અત્યારે યુએઈમાં છે. આ દરમ્યાન ગનીએ ખૂબ નિંદાનો સામનો કર્યો છે. ગની પર આરોપ છે કે મુશ્કેલીના સમયમાં તેઓ દેશ છોડી ભાગી ગયા છે અને સરકારી પૈસા પણ પોતાની સાથે લઈ ગયા છે. આ દરમ્યાન અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે પણ અશરફ ગની પર હુમલો કર્યો છે. ટ્રમ્પે ગનીને દગાબાજ કહ્યો છે. તેમણે કહ્યું કે, ગની એક દગાબાજ માણસ છે. તેની પર ક્યારેય વિશ્વાસ મુકી શકાય નહીં.

અમેરિકાએ પોતાના નાગરિકોને અફઘાનમાંથી બહાર કાઢ્યા

ટ્રમ્પે કહ્યું, મને અશરફ ગની પર ક્યારેય પણ ભરોસો નથી. હું એવુ વિચારું છું કે ગની દગાબાજ છે. ગનીએ પોતાનો સંપૂર્ણ સમય અમારા સિનેટરોની સાથે ખાવામાં અને તેનું દિલ જીતવામાં વિતાવી દીધો. અફઘાનિસ્તાનના રાષ્ટ્રપતિ અશરફ ગની વિદેશ ભાગી ગયા બાદ અને સરકાર પડી ભાંગ્યા બાદ રવિવારે તાલિબાનોએ જીતની જાહેરાત કરી છે. ઘણાં અન્ય દેશોની જેમ અમેરિકાએ પોતાના નાગરિકો અને વિદેશી સરકાર સાથે જોડાયેલા અમુક અફઘાનોને અફઘાનિસ્તાનમાંથી નિકાળવાનું શરૂ કર્યુ.

અત્યારે અમારા દેશનું ખૂબ અપમાન થયુ: ટ્રમ્પ

ડોનાલ્ડ ટ્રમ્પે કહ્યું, મને લાગતુ નથી કે આટલા વર્ષોમાં અમારા દેશનું અપમાન થયુ હોય. મને ખબર નથી કે શું તમે સૈન્યની હાર કહેશો કે મનોવૈજ્ઞાનિક હાર? જેવુ અત્યારે થયુ તેવુ અત્યાર સુધી ક્યારેય થયુ નથી.