પ્રવાસ / અમેરિકાના હ્યૂસ્ટનમાં 50 હજાર ભારતીયોને સંબોધિત કરશે મોદી, હાજરી આપી શકે છે ટ્રંપ

• ઓછામાં ઓછા 50 હજાર ભારતીય-અમેરિકનો કાર્યક્રમ ભાગ લેવા માટે રજિસ્ટ્રેશન કરાવ્યું
• પીએમ મોદીના કાર્યક્રમમાં ટ્રંપનું સામેલ થવું પાકિસ્તાન માટે ઝટકો સાબિત થશે. 

અમેરિકામાં પ્રધાનમંત્રી નરેન્દ્ર મોદીના કાર્યક્રમ 'Howdy Modi'માં ડોનાલ્ડ ટ્રંપ પણ સામલે થઇ શકે છે. 22 સપ્ટેમ્બરે હ્યૂસ્ટનમાં પીએમ મોદી ભારતી સમુદાયને સંબોધિત કરશે. આ કાર્યક્રમમાં 50 હજાર લોકો હાજર રહે એવી શક્યતા છે. સૂત્રોનું કહેવું છે કે ટ્રંપ હ્યૂસ્ટનમાં પીએમ મોદીના કાર્યક્રમમાં સામેલ થઇ શકે છે. 

જણાવી દઇએ કે પીએમ મોદી સંયુક્ત રાષ્ટ્ર મહાસભાના સત્રમાં સામેલ થવા માટે અમેરિકા જઇ રહ્યા છે. 'Howdy' 'હાઉ ડૂ યૂ ડૂ' (તમે કેમ છો) નું સંક્ષિપ્ત રૂપ છે. અમેરિકાનો ચોથો સૌથી વધારે આબાદી વાળા શહેરના 'એનઆરજી ફુટબોલ સ્ટેડિયમ'માં આયોજિત થઇ રહેલા આ કાર્યક્રમમાં આશરે 50 હજાર લોકોની આવવાની શક્યતા છે. હ્યૂસ્ટનમાં પાંચ લાથથી વધારે ભારતીય-અમેરિકન સમુદાયના લોકો રહે છે. 

'Howdy Modi' કાર્યક્રમ માટે ઓછામાં ઓછા 50,000 ભારતીય-અમેરિકનોએ રજિસ્ટ્રેશન કરાવ્યું છે. એમાં ઘણા અન્ય અમેરિકન રાજનેતાઓ પણ ભાગ લે તેવી શક્યતા છે. મોદીની રેલીમાં ટ્રંપનું સામેલ થવું પાકિસ્તાન માટે આ સમયે બીજો એક ઝટકો હશે, જ્યારે પાકિસ્તાન સતત આંતરરાષ્ટ્રીય મંચો પર ભારત વિરુદ્ધ અવાજ ઊઠાવી રહ્યું છે. 

પાકિસ્તાનને લાગશે ઝટકો
નોંધનીય છે કે પ્રધાનમંત્રી મોદી સંયુક્ત રાષ્ટ્ર મહાસભાની બેઠકમાં ભાગ લેતા પહેલા હ્યૂસ્ટનનો પ્રવાસ કરશે. અહીંયા તેઓ પ્રમુખ, વ્યવસાયી, રાજનીતિક અને સામુદાયિક નેતાઓને મળશે. આ પહેલા પીએમ મોદીએ 2014માં ન્યૂયોર્કના મેડિસન સ્ક્વાયર ગાર્ડન અને 2016માં સિલિકૉન વેલીમાં ભારતીય ડાયસ્પોરાને સંબોધિત કર્યા હતા. 

પીએમ મોદી સંયુક્ત રાષ્ટ્ર જનરલ અસેમ્બલીના વાર્ષિક ઉચ્ચસ્તરીય સંમેલનમને સંબોધિત કરશે. પીએમ મોદીના સંબોધન બાદ પાકિસ્તાનના પ્રધાનમંત્રી ઇમરાન ખાનનું સંબોધન હશે. ઇમરાન ખાન એક વખત ફરીથી આ મંચથી કાશ્મીરનો મુદ્દો ઉઠાવી શકે છે. પરંતુ માનવામાં આવી રહ્યું છે કે હ્યૂસ્ટનની રેલીમાં જો ડોનાલ્ડ ટ્રંપ પીએમ મોદીના કાર્યક્રમમાં સામેલ થાય છે તો એનાથી પાકિસ્તાનને મોટો ઝટકો લાગશે.