બોલિવૂડ / ટ્રમ્પે ભાષણમાં લીધેલા ફિલ્મોના નામ સાંભળીને નવાઈ લાગી હોય તો, આ હકીકત જાણીને તો ચોંકી જશો

• યુએસ પ્રમુખ ડોનાલ્ડ ટ્રમ્પે અમદાવાદના મોટેરા સ્ટેડિયમની લીધી મુલાકાત
• નરેન્દ્ર મોદી સહિત સમગ્ર દેશવાસીઓ તેમનું દિલથી સ્વાગત કર્યું
• ટ્રમ્પે બોલિવૂડ ફિલ્મોની કરી પ્રશંસા

હોલિવૂડની 'હોમ અલોન 2' ફિલ્મમાં જોવા મળ્યા હતા ટ્રમ્પ

ડોનાલ્ડ ટ્રમ્પે હોલિવૂડની 1992માં આવેલી ફિલ્મ 'હોમ અલોન 2: લોસ્ટ ઈન ન્યૂયોર્ક'માં પણ કર્યું છે. પરિવારથી અલગ પડી ગયેલાં બાળક પર બનેલી આ ફિલ્મમાં ડોનાલ્ડ ટ્રમ્પે કેમિયો ભજવ્યો હતો. એક દૃશ્યમાં ટ્રમ્પ કેવિન (તેના પરિવારથી અલગ બાળક)ને તેના હોટલના રસ્તા વિશે કહેતા જોવા મળે છે.

US President Donald Trump: All over the planet people take great joy in watching Bollywood films, bhangra, and classic films like DDLJ and Sholay. You cheer on great cricketers like Sachin Tendulkar and Virat Kohli pic.twitter.com/CHvedzlXQh

— ANI (@ANI) February 24, 2020

ઝૂલેન્ડરમાં ટ્રમ્પ મેલાનિયા સાથે જોવા મળ્યા હતા

અમેરિકાના રાષ્ટ્રપતિ ડોનાલ્ડ ટ્રમ્પ અને તેમની પત્ની મેલાનિયા ટ્રમ્પ પણ એક હોલિવૂડની ફિલ્મમાં સાથે જોવા મળ્યાં હતા. આ ફિલ્મનું નામ 'ઝૂલેન્ડર' હતું. આ કોમેડી ફિલ્મ 2001માં રિલીઝ થઈ હતી. એક સીનમાં ટ્રમ્પ અને તેની પત્ની મેલાનિયા ટીવી રિપોર્ટરને બાઈટ આપતા જોવા મળ્યા હતા.

ધ લિટલ રાસ્કલ્સમાં પિતાના રોલમાં જોવા મળ્યા હતા

ડોનાલ્ડ ટ્રમ્પે 1994ની અમેરિકન ફેમિલી કોમેડી ફિલ્મ ધ લિટલ રાસ્કલ્સમાં પણ કામ કર્યું છે. તેમણે તેમાં વાલ્ડો નામના બાળકના પિતાની ભૂમિકા ભજવી હતી. આ ફિલ્મમાં તે એક મોટા ઓઈલ ઉદ્યોગપતિ તરીકે જોવા મળ્યા હતા. આ ફિલ્મના એક સીનમાં તે રેસમાં ભાગ લેતા તેમના પુત્ર સાથે વાત કરતા જોવા મળે છે.

આ ફિલ્મોમાં પણ કામ કર્યું છે

અમેરિકાના રાષ્ટ્રપતિ ડોનાલ્ડ ટ્રમ્પે તેમની કારકિર્દીમાં ઘણી ફિલ્મોમાં કામ કર્યું છે. તેમણે 1996માં આવેલી ફિલ્મ એડી (Eddie)માં પણ કામ કર્યું હતું. આ સિવાય તેમણે 1996માં આવેલી ફિલ્મ ધ એસોસિએટમાં પણ કામ કર્યું હતું. ડોનાલ્ડ ટ્રમ્પે 2002ની અમેરિકન કોમેડી ફિલ્મ ટુ વીક્સ નોટિસમાં પણ કામ કર્યું છે.

ટ્રમ્પ ઘણાં ટીવી શોમાં પણ દેખાઈ ચૂક્યા છે

હોલિવૂડ ફિલ્મો ઉપરાંત અમેરિકન રાષ્ટ્રપતિ ડોનાલ્ડ ટ્રમ્પે ઘણાં ટીવી શોઝ અને ટીવી સીરિયલોમાં પણ કામ કર્યું છે. જેમાં 'ધ જોબ', 'સ્પિન સિટી', 'સન્ડેલી સુસાન', 'ધ ડ્રૂ કેરી શો', 'ધ નેની', 'ધ ફ્રેશ પ્રિન્સ ઓફ બેલ એર' જેવા શો શામેલ છે.