નમસ્તે ટ્રમ્પ / ડોનાલ્ડ ટ્રમ્પ અને મેલાનિયા 48 કલાક શું કરશે? આ છે તેમનું પ્લાનિંગ

• મહેમાનો અમદાવાદમાં લંચ,  દિલ્હીમાં ડિનર કરશે
• અમદાવાદમાં નમસ્તે ટ્રમ્પમાં સાંસ્કૃતિક કાર્યક્રમો થશે
• દિલ્હીમાં થશે બન્ને દેશોની કૃટનીતિ બેઠક

અમદાવાદમાં રોડ શો ઉપરાંત કરશે લંચ

ડોનાલ્ડ ટ્રમ્પ પત્ની મેલાનિયા સાથે 24 ફેબ્રુઆરીના 12 વાગે અમદાવાદ પહોંચશે. પીએમ મોદી તેમનું સ્વાગત કરશે.  તે એરપોર્ટથી સાબરમતી આશ્રમ સુધી રોડ શો કરશે. તેમની સાથે પીએમ નરેન્દ્ર મોદી પણ સાથે હશે. 12.30 વાગે ટ્રમ્પ સાબરમતી આશ્રમે પહોંચશે. ત્યાં  15 મીનિટ વિતાવશે. જ્યારે તેમને પુસ્તક, ફોટોગ્રાફ્સ તથા ચરખા જેવી ભેટ સોગાદો આપવામાં આવી હતી. અહી ટ્રમ્પ અને મેલાનિયા ચરખો ચલાવી પણ શકે છે.
 
 

બોલીવુડની હસ્તિઓ પણ રહેશે હાજર

સાબરમતી આશ્રમ બાદ ટ્રમ્પ મોદી સાથે મોટેરા સ્ટેડિયમ જશે. અહીં સ્ટેડિયમમાં ‘નમસ્તે ટ્રમ્પ’કાર્યક્રમમાં ભાગ લેશે. જ્યાં લાખો લોકો તેમનું સ્વાગત કરશે. પ્રધાન મંત્રી મોદી ટ્રમ્પને સંબોધિત કરશે. નમસ્તે ટ્રમ્પ કાર્યક્રમમાં કેટલાંક સાંસ્કૃતિક કાર્યક્રમ યોજાશે. બોલીવૂડના કલાકારો પણ આ કાર્યક્રમમાં હાજર રહેવાના છે. આ કાર્યક્રમમાં પીએમ મોદીઓ તરફથી અમેરિકાના મહેમાનો માટે લંચનું આયોજન કરવામાં આવ્યું છે. 

આગ્રા જવા રવાના થશે

અમદાવાદમાં લંચ કર્યા પછી ટ્રમ્પ અને મેલાનિયા બન્ને આગ્રા જવા માટે રવાના થશે.  લગભગ 5 વાગે તાજ મહેલ પહોંચશે. ત્યાં તેઓ 45 મિનિટ રોકાશે અને મહોબ્બતની નિશાની તાજ મહેલને નિહારશે. આ બાદ તેઓ દિલ્હી જવા રવાના થશે.

અહીં અપાશે ગાર્ડ ઓફ ઓનર

25 ફેબ્રુઆરીએ ટ્રમ્પ  સવારે 10 વાગે રાષ્ટ્રપતિ ભવનમાં રાષ્ટ્રપતિ કોવિંદ સાથે મુલાકાત કરશે. જ્યાં તેમનું ઔપચારિક સ્વાગત કરવામાં આવશે.  આ દરમિયાન તેમને ગાર્ડ ઓફ ઓનર આપવામાં આવશે. 10.45 વાગે ટ્રમ્પ રાજઘાટની મુલાકાત લેશે.  આ બાદ તેઓ 11.30 વાગે હૈદરાબાદ હાઉસ ખાતે મોદી અને ટ્રમ્પ વચ્ચે બેઠક યોજાશે. 

ટ્રમ્પ અમેરિકા તો મેલાનિયા જર્મની માટે રવાના થશે

બીજી તરફ મિલેનિયા દિલ્હીની સરકારી સ્કૂલની મુલાકાત કરશે. જ્યાં તે બાળકોની સાથે સમય વિતાવશે.  બપોરે 3 વાગે ટ્રમ્પ ભારતીય ઉદ્યોગપતીઓ સાથે મુલાકાત કરશે. તેમજ સાંજે 8 વાગે ટ્રમ્પ રાષ્ટ્રપતિ ભવન ખાતે જશે. ત્યાં ડિનર લઈ રાત્રે 10 વાગે ટ્રમ્પ અમેરિકા જવા રવાના થશે તો  મેલાનિયા જર્મની જવા રવાના થશે.