અમેરિકાના રાષ્ટ્રપ્રમુખ ડોનાલ્ડ ટ્રમ્પ આગામી થોડાં દિવસમાં ભારતની મુલાકાતે આવશે. એક બિઝનેસમેનથી લઈને દુનિયાના સૌથી શક્તિશાળી દેશના રાષ્ટ્રપતિ સુધીની સફર કરનાર ટ્રમ્પ ગ્લેમર વર્લ્ડ સાથે પણ સંકળાયેલા હતા અને તેમણે ઘણી હોલિવૂડની ફિલ્મો અને હોલિવૂડ ટીવી સીરિયલ્સમાં કેમિયો તરીકે પણ કામ કરી ચૂક્યા છે. ચાલો જાણીએ ટ્રમ્પના એવા પ્રોજેક્ટ્સ વિશે, જેવા તેઓ રૂપેરી પડદે જોવા મળ્યા હતા.
ભારતમાં આવવાના છે ડોનાલ્ડ ટ્રમ્પ
સૌથી શક્તિશાળી દેશના રાષ્ટ્રપતિ કરી ચૂક્યા છે કામ
ટ્રમ્પ ગ્લેમર વર્લ્ડ સાથે પણ સંકળાયેલા હતા
ધ લિટલ રાસ્કલ્સ 1994
ટ્રમ્પે આ ફિલ્મમાં વ વાલ્ડોના પિતા તરીકે સ્પેશિયલ અપિયરન્સ આપી હતી. આ કોમેડી ફિલ્મમાં ફોન પર વાત કરતી વખતે ટ્રમ્પ કહે છે કે, પૈસાથી તારાથી સારો પુત્ર ખરીદી જ ન શકાય.
ધ એસોસિએટ 1996
ડોનાલ્ડ ટ્રમ્પ આ ફિલ્મમાં વ્હૂપી ગોલ્ડબર્ગની સાથે જોવા મળ્યા હતા. આ કોમેડી ફિલ્મ વોલ સ્ટ્રીટ વિશે હતી. આ ફિલ્મમાં ટ્રમ્પે પોતાનું એક પાત્ર ભજવ્યું હતું.
સડનલી સુસેન 1997
આ શોના એક એપિસોડમાં ટ્રમ્પ એક વેપારી તરીકે પોકર ગેમ રમતા જોવા મળ્યા હતા. તેમણે આ ગેમ જુડ નેલ્સન અને જ્હોન મેક્નરોના પાત્ર સાથે રમી હતી.
સ્પિન સિટી 1998
સ્પિન સિટી નામના આ શોમાં ટ્રમ્પ સુપરસ્ટાર માઇકલ ફોક્સની સાથે દેખાયા હતા. આ એપિસોડમાં માઇકલ બિઝનેસમેન ટ્રમ્પને તેમના પુસ્તકો વિશે જણાવે છે. આ પુસ્તકોને આર્ટ ઓફ ધ ડીલ અને આર્ટ ઓફ ધ કમબેક નામ આપવામાં આવ્યું હતું.
સેક્સ એન્ડ ધ સિટી 1999
ટ્રમ્પ આ શોમાં મલ્ટીપલ કેમિયોમાં દેખાયા છે. તેઓ આ શોની સીઝન 2ના એક એપિસોડમાં જોવા મળ્યા હતા. આ શોમાં ટ્રમ્પનો 70 વર્ષનો મિત્ર એક મહિલાને ફસાવવાનો પ્રયાસ કરે છે.
જૂલેન્ડર 2001
બેન સ્ટીલર દ્વારા નિર્દેશિત આ ફિલ્મમાં ઘણા સેલેબ્સે કેમિયો કર્યો હતો, જેમાં ડોનાલ્ડ ટ્રમ્પ પણ સામેલ હતા. રેડ કાર્પેટ પર ચાલતી વખતે ડોનાલ્ડે તેનું પાત્ર ભજવ્યું હતું અને પત્રકારો સાથે વાત કરી હતી.
ટૂ વીક નોટિસ 2002
2002માં ટ્રમ્પે ફરી એક વાર ઉદ્યોગપતિની ભૂમિકા ભજવી હતી. તેઓ એક કોકટેલ પાર્ટીમાં અભિનેતા હ્યુજ ગ્રાન્ટ સાથે વાતચીત કરતા જોવા મળ્યા હતા. આના થોડાં સમય પછી ફિલ્મમાં સેન્ડ્રા બુલોકની એન્ટ્રી થાય છે.