સોશિયલ મીડિયા પર PM મોદી ટ્રમ્પથી પણ વધુ લોકપ્રિયઃ રિપોર્ટ

સોશિયલ મીડિયા પર ફોલોઅર્સનાં મામલે ભલે અમેરિકી રાષ્ટ્રપતિ ડોનાલ્ડ ટ્રમ્પ ટ્વિટર પર વૈશ્વિક નેતાઓને મામલે સૌથી આગળ હોય પરંતુ ફેસબુક પર ટ્રમ્પ ભારતનાં પ્રધાનમંત્રી નરેન્દ્ર મોદીથી ઘણાં પાછળ છે. કોમ્યૂનિકેશન ફર્મ "બર્સન માર્ટસ્ટેલર"નાં એક અધ્યયનમાં આ વાત સામે આવી છે.

બુધવારનાં રોજ પ્રકાશિત આ અધ્યયનને અનુસાર હાલનાં વર્તમાન સમયમાં નરેન્દ્ર મોદી ફેસબુક પર સૌથી વધુ ફોલો થનારા નેતા છે. મોદીને 43.2 મિલિયન (ચાર કરોડ 32 લાખ) લોકો ફોલો કરે છે. આ આંકડાઓ ટ્રમ્પનાં 23.1 મિલિયન (બે કરોડ 31 લાખ) ફેસબુક ફોલોઅર્સોની સંખ્યાની તુલનામાં અંદાજે બે ઘણો વધારે છે.

તમને જણાવી દઇએ કે અભ્યાસમાં 650 લોકોને શામેલ કરવામાં આવ્યાં હતાં કે જેઓનાં ફેસબુક પેજની 1 જાન્યુઆરી 2017થી ગણતરી કરવામાં આવી છે. છેલ્લાં 14 મહીનાઓમાં ટ્રમ્પનાં પેજ પર 204.9 મિલિયન કમેન્ટ લાઇક્સ અને શેર કરવામાં આવેલ છે. ત્યાં જ પીએમ મોદીનાં પેજ પર 113.6 મિલિયન કમેન્ટ લાઇક્સ અને શેર થયેલ છે.

અભ્યાસમાં એવી જાણકારી પણ આપવામાં આવેલ છે કે ટ્રમ્પ એક દિવસમાં 5 વાર ફેસબુક પર પોસ્ટ કરે છે અને ત્યાં પીએમ મોદી લગભગ 2 અથવા 3 વાર જ પોસ્ટ શેર કરે છે. ફોલોઅર્સનાં મામલે અભ્યાસમાં એવું જણાવવમાં આવ્યું છે કે જોર્ડનની રાની ત્રીજા નંબર પર છે. તેઓનાં 16 મિલિયન ફોલોઅર્સ છે.

આ કારણોસર PM મોદીએ ટ્રમ્પને છોડ્યાં પાછળઃ
અભ્યાસમાં એવું સામે આવ્યું છે કે એશિયામાં લોકો ટ્વિટરની તુલનામાં ફેસબુકનો ઉપયોગ વધુ કરે છે. પીએમ મોદી અને અન્ય એશિયાઇ નેતાઓનાં ફોલોઅરોની વધારે સંખ્યા પાછળનું કારણ આ એક પણ માનવામાં આવી રહ્યું છે.