અમેરિકન ચૂંટણીમાં ભારતીય મૂળના મતદાતાઓને લુભાવવા માટે રિપબ્લિકન પાર્ટી પ્રધાનમંત્રી નરેન્દ્ર મોદીના નામનો ઉલ્લેખ કરતા નથી ચૂકી રહી. અમેરિકન રાષ્ટ્રપતિ ટ્રમ્પના દિકરા ડોનાલ્ડ ટ્રમ્પ જુનિયરે કહ્યું કે તેના પિતા અને પીએમ મોદીની વચ્ચે યુગલ બંધી અસાધારણ છે જેથી આગળ જઈને તે બન્ને દેશો માટે લાભકારી રહેશે. અમેરિકામાં હાલ રાષ્ટ્રપતિની ચૂટણીનો પ્રચાર પસાર થઈ રહ્યો છે.
મારા પિતા રાષ્ટ્રપતિ ડોનાલ્ડ ટ્રમ્પ અને પીએમ મોદીની વચ્ચે સંબંધ અસાધારણ
આ સંબંધોને લીધે બન્ને દેશોને લાભ થશે
બિડન જીતશે તો ચીન તેનો ઉપયોગ ભારતની વિરુદ્ધમાં કરશે
સમાચાર એજન્સી એએનઆઈએ જણાવ્યું કે ન્યૂયોર્ક આઈલેન્ડમાં એક સમારોહથી ઈત્તર જુનિયરએ કહ્યું કે મારુ માનવું છે કે મારા પિતા રાષ્ટ્રપતિ ડોનાલ્ડ ટ્રમ્પ અને પીએમ મોદીની વચ્ચે સંબંધ અસાધારણ છે. આ બન્નેને એક સાથે જોવા મને ખૂબ પસંદ છે. મને સારુ લાગે છે કે બન્ને વચ્ચે અસાધારણ સંબંધ છે. તેમના આ સંબંધોને લીધે બન્ને દેશોને લાભ થશે. અમેરિકા અને ભારત એક લોકશાહી દેશ છે. આનાથી સામ્યવાદ અને પૂંજીવાદ સામે લડવામાં મદદ મળશે. જુનિયરે રાષ્ટ્રપતિ ટ્રમ્પે ફેબ્રુઆરીમાં કરેલા ભારત પ્રવાસનો ઉલ્લેખ કર્યો છે.
ડોનાલ્ડ જુનિયર ટ્રમ્પ તેમના પિતાના ચુંટણી પ્રચાર અભિયાનને આગળ વધારી રહ્યા છે. તેમણે કહ્યું કે અમેરિકામાં જો બિડનની પસંદગી થવી યોગ્ય નથી કેમ કે તેમનું વલણ ચીન માટે નરમ છે. તેમણે વધુમાં કહ્યું કે ભારતીય અમેરિકનથી વધારે સારી રીતે ચીનના સંકટને કોઈ નહીં સમજી શકે. જો બિડન ચૂંટાઈને આવશે તો તે ભારત માટે સારુ નહીં થાય. જુનિયરે પોતાની બુકમાં બિડન પર ભ્રષ્ટાચારનો આરોપ લગાવ્યો છે. જુનિયરે આરોપ લગાવ્યો છે કે જો રાષ્ટ્રપતિની ચુંટણી બિડન જીતશે તો ચીન તેનો ઉપયોગ ભારતની વિરુદ્ધમાં કરશે.
#WATCH New York: Donald Trump Jr says, "I think the relationship of my father President Donald Trump & PM Modi is incredible...It has been an honour to watch & I love that they have a great & powerful relationship that will benefit both of our countries going into the future." pic.twitter.com/YwdpKJ1akb
અમેરિકામાં 3 નવેમ્બરના રોજ થનારા રાષ્ટ્રપતિની ચૂંટણી બહું રસપ્રદ રહેશે. બન્ને ઉમેદવારો વચ્ચે કાંટાની ટક્કર છે. અનેક રાજ્યોમાં ભારતીય અમેરિકનની સંખ્યા ઘણી સારી છે. જેથી તેમના આકર્ષવાના સતત પ્રયાસો થઈ રહ્યા છે.