મોટા સમાચાર / ફેસબુક, ટ્વિટર પર પ્રતિબંધ બાદ ડોનાલ્ડ ટ્રમ્પ લાવી રહ્યા છે પોતાનું આ પ્લેટફોર્મ, જો બાયડન પર સાધ્યો નિશાનો

• ટ્રમ્પે નવી કંપનીના સંબંધમાં જાહેરાત કરી 
• સોશિયલ મીડિયા પ્લેટફોર્મ TRUTH Social લઈને આવી રહ્યા છે ટ્રમ્પ
• ટ્રમ્પે રાષ્ટ્રપતિ જો બાયડન પર પણ નિશાનો સાધ્યો

ટ્રમ્પે નવી કંપનીના સંબંધમાં જાહેરાત કરી 

બુધવારે જ તેમણે નવી કંપનીના સંબંધમાં જાહેરાત કરી છે. સમાચાર છે કે પ્લેટફોર્મની લોન્ચિંગ આવતા મહિના સુધી થઈ શકે છે અને રાષ્ટ્રીય સ્તર પર ઉપયોગ માટે તે આવતા વર્ષથી ઉપલબ્ધ થઈ જશે. ખાસ વાત એ છે કે ફેસબુક અને ટ્વિટર જેવા પ્લેટફોર્મ્સ ટ્રમ્પ પર પ્રતિબંધ લગાવી ચૂક્યા છે.

ટ્રમ્પે રાષ્ટ્રપતિ જો બાયડન પર પણ નિશાનો સાધ્યો

હકિકતમાં ટ્રમ્પ એક નવી મીડિયા કંપનીની  શરુઆત કરવા જઈ રહ્યા છે. જેનું પોતાનું સોશિયલ મીડિયા પ્લેટફોર્મ પણ હશે. તેમનું કહેવું છે કે ટ્રમ્પ મીડિયા એન્ડ ટેક્નોલોજી ગ્રુપ અને તેમની TRUTH Social એપનો મુખ્ય હેતુ મોટી ટેક કંપનીઓના પ્રતિસ્પર્ધી ઊભો કરવાનો છે. જેમણે તેમના પર પ્રતિબંધ લગાવી રાખ્યો છે.   આ દરમિયાન તેમણે રાષ્ટ્રપતિ જો બાયડન પર પણ નિશાનો સાધ્યો.  ટ્રમ્પે કહ્યું કે અમે એવી દુનિયામાં રહીએ છીએ જ્યાં ટ્વીટર પર તાલિબાન મોટા સ્તર પર હાજર છે. એ બાદ પણ તમારા મનપસંદ રાષ્ટ્રપતિ ચૂપ છે. તેમણે નિવેદન આપ્યું કે આ સ્વીકાર્ય નથી. જાહેરાત મુજબ નવી કંપનીની શરુઆત ડિજિટલ વર્લ્ડ એક્ઝિશન કોર્પ.ની સાથે વિલય માટે શરુ થઈ છે.

 ટ્રમ્પ સતત પોતાની સોશિયલ મીડિયા સાઈટ લોન્ચ કરવા માટે વાત કરી રહ્યા છે

ટ્વિટર અને ફેસબુકથી પ્રતિબંધિત થયા બાદથી ટ્રમ્પ સતત પોતાની સોશિયલ મીડિયા સાઈટ લોન્ચ કરવા માટે વાત કરી રહ્યા છે. લગભગ 9 મહિના પહેલા પૂર્વ રાષ્ટ્રપતિને સોશિયલ મીડિયા પ્લેટફોર્મ પર બેન કરી દેવામાં આવ્યા હતા. કંપનીઓએ 6 જાન્યુઆરીએ વોશિંગ્ટન ડીસીની પાસે કેપિટલ હિલ હિંસા કેસમાં તેમની ભૂમિકાના કારણે આ પગલું ઉઠાવ્યુ હતુ. નવેમ્બરમાં આયોજિત થયા રાષ્ટ્રપતિ ચૂંટણીમાં રિપબ્લિકન પાર્ટીના બીજી વાર ઉમેદવાર ટ્રમ્પને ડેમોક્રેટ અને હાજર રાષ્ટ્રપતિ જો બાયડનની સામે હારનો સામનો કરવો પડ્યો હતો.