અમેરિકી રાષ્ટ્રપ્રમુખ ડોનાલ્ડ ટ્રમ્પ દ્વારા વડાપ્રધાન નરેન્દ્ર મોદીને 'ફાધર ઓફ ઇન્ડિયા' બતાવવા પર એઆઇએમઆઇએમ ચીફ અસદુદ્દીન ઓવૈસીએ નિશાન સાધ્યું છે. એમણે કહ્યું કે નરેન્દ્ર મોદી દુર-દુર સુધી ફાધર ઓફ ઇન્ડિયા નથી. સાથે જ ઓવૈસીએ કહ્યું કે ડોનાલ્ડ ટ્રમ્પ એક 'અભણ' છે, અને વધારે ભણેલા-ગણેલા નથી.
ઓવૈસીએ કહ્યું કે ડોનાલ્ડ ટ્રમ્પ એક 'અભણ' છે
ટ્ર્મ્પને મહાત્મા ગાંધી વિશે કંઇ ખબર નથી
પંડિત નેહરુ અને સરદાર પટેલ હિન્દુસ્તાનની રાજનીતિના કદાવર 'વ્યક્તિત્વ'
ઓવૈસીએ આગળ કહ્યું કે, ન તેમને હિન્દુસ્તાન વિશે કંઇ ખબર છે અને ન તેમને મહાત્મા ગાંધી વિશે કંઇ ખબર છે. ટ્રમ્પને દુનિયા વિશે કંઇ ખબર નથી.
'અભણ' છે અમેરિકી રાષ્ટ્રપ્રમુખ ડોનાલ્ડ ટ્રમ્પ
ઓવૈસીએ કહ્યું, 'ડોનાલ્ડ ટ્રમ્પે પીએમ મોદીને 'ફાધર ઓફ ધ નેશન' બતાવ્યા છે. ટ્રમ્પ 'અભણ' છે અને અજ્ઞાની છે. ગાંધી અને મોદીની તુલના ન કરી શકાશ. મોદી ક્યારેય 'ફાધર ઓફ નેશન' ન હોઇ શકે. AIMIM ચીફે કહ્યું, ' જો ટ્રમ્પને આ વિશે ખબર હોત તો આ પ્રકારની જુમલાબાજી ન કરતા. મહાત્મા ગાંધીને રાષ્ટ્રપતિનું નામ એટલા માટે મળ્યું, કેમકે એમણે તે હાંસલ કર્યું હતું. લોકોએ તેમનું સમર્પણ જોઇને આ નામ આપ્યું હતું. આ પ્રકારના નામ આપવામાં આવતા નથી. હાંસલ કરવામાં આવે છે. પંડિત નેહરુ અને સરદાર પટેલ હિન્દુસ્તાનની રાજનીતિના કદાવર વ્યક્તિત્વ હતા. તેમને ક્યારેય ફાધર ઓફ નેશન નથી કહેવામાં આવ્યા.'
ઓવૈસીએ હૈદરાબાદમાં એક પત્રકાર પરિષદમાં કહ્યું, 'નરેન્દ્ર મોદીને 'એલ્વિસ પ્રેસ્લી' કહ્યા છે. તે સત્ય હોઇ શકે છે. એલ્વિસ પ્રેસ્લી વિશે વાંચ્યું છે કે, તે ખુબ જ સારુ ગાતા હતા. આપણા વડાપ્રધાન પણ સારુ ભાષણ આપે છે અને ભીડ એકઠી કરે છે. આ વાત એકજેવી લાગે છે.' ઓવૈસીએ કહ્યું કે ટ્રમ્પ ઇમરાન ખાન અને પીએમ મોદી સાથે ડબલ ગેમ રમી રહ્યા છે, તેમના ખેલને સમજવાની જરૂર છે.
નોંધનીય છે કે અમેરિકાના રાષ્ટ્રપ્રમુખ ડોનાલ્ડ ટ્રમ્પે મંગળવારે નરેન્દ્ર મોદીને 'ફાધર ઓફ નેશન' બતાવ્યા હતા. એમણે પીએમ મોદીની તુલના અમેરિકાના રોકસ્ટાર એલ્વિસ પ્રેસ્લી સાથે પણ કરી હતી.