24 તારીખે અમેરિકા રાષ્ટ્રપતિ અમદાવાદના મહેમાન બની રહ્યાં છે. મોટેરા સ્ટેડિયમમાં "કેમ છો ટ્રમ્પ" નામે તેનો કાર્યક્રમ યોજાવવાનો હતો. જો કે હવે આ નામમાં ફેરફાર કરવામાં આવ્યો છે. કાર્યક્રમના પ્રચાર પ્રસાર માટેનું નવા નામનું મટિરિયલ સોમવાર સુધીમાં તૈયાર થઇ જશે. સૌશિયલ મીડિયા પર પણ "નમસ્તે ટ્રમ્પ"ના નામ પરથી પોસ્ટર વાયરલ થયા છે.
ટ્રમ્પની ગુજરાત મુલાકાતને લઈને મોટા સમાચાર
કાર્યક્રમનું નામ 'કેમ છો ટ્રમ્પ' માં કરાયો ફેરફાર
અમદાવાદના કાર્યક્રમનું નામ બદલીને 'નમસ્તે ટ્રમ્પ' રખાયું
સોમવારથી પ્રચાર-પ્રસાર માટેનું મટિરિયલ તૈયાર કરાશે
ડોનાલ્ડ ટ્રમ્પના અમદાવાદ આગમનને લઈને ઉત્સાહીત ગુજરાત સરકાર સહિતના લોકોએ મોટેરા સ્ટેડિયમમાં થનારા કાર્યક્રમને 'કેમ છો ટ્રમ્પ' નામ આપી દીધુ હતુ.
કેમ છો ટ્રમ્પ શબ્દ સાથે ટ્રમ્પનું સ્વાગત કરવાનો પ્લાન હતો, જોકે, હવે ‘નમસ્તે ટ્રમ્પ’ પ્રયોગ સાથે તેમનું સ્વાગત કરવાનો નિર્ણય કરવામાં આવ્યો છે. જેથી કરીને આ ભવ્ય કાર્યક્રમ રાજ્ય પૂરતો સિમિત ના રહે અને તેને નેશનલ કવરેજ મળી રહે.
ગુજરાતના ચીફ સેક્રેટરી અનિલ મુકીમે આ અંગે જણાવ્યું હતુ કે, “ ભારત સરકાર દ્વારા અમને ‘નમસ્તે ટ્રમ્પ’ થીમ અંગે સૂચન કર્યું છે અને આ કાર્યક્રમ દરમિયાનના તમામ કેમ્પેઈન માટે પણ માર્ગદર્શન કેન્દ્ર સરકાર દ્વારા પૂરું પાડવામાં આવશે.” ‘નમસ્તે ટ્રમ્પ’ ના પ્રયોગથી આ રાજ્યકક્ષાનો કાર્યક્રમ બની જતો લાગતો હતો, પરંતુ તેને દેશમાં પણ લોકો જાણે તેવો પ્લાન બનાવવામાં આવી રહ્યો છે.
આ કારણે જ રાજ્ય સરકાર દ્વારા અમેરિકાના રાષ્ટ્રપ્રમુખની પહેલી ભારત મુલાકાત અને અમદાવાદમાં સ્વાગત માટેના કાર્યક્રમમાં ઉપયોગમાં લેવાનારા કમ્યુનિકેશન મટ્રિયલ્સમાં પરંપરાગત ‘નમસ્તે’ શબ્દનો પ્રયોગ કરવામાં આવશે.