આવતીકાલે ડોનાલ્ડ ટ્રમ્પ અમદાવાદ આવી રહ્યા છે. ત્યારે તૈયારીઓને આખરી ઓપ આપી દેવાયો છે. આવતીકાલે સવારે 11.30 વાગે ટ્રમ્પ અમદાવાદ આવશે. જ્યાં તેમને ગાર્ડ ઓફ ઓનર અપાશે. ત્યારબાદ ડોનાલ્ડ ટ્રંપ સાબરમતી આશ્રમ જશે. સાબરમતી આશ્રમમાં ટૂંકો કાર્યક્રમ છે. સાબારમતી આશ્રમમાં જ નરેન્દ્ર મોદી અને ડોનાલ્ડ ટ્રમ્પ મુલાકાત કરશે.
ડોનાલ્ડ ટ્રમ્પ સહપરિવાર બનશે ભારતના મહેમાન
અમદાવાદમાં યોજાશે નમસ્તે ટ્રમ્પ કાર્યક્રમ
36 કલાકમાં 3 શહેરનો રહેશે પ્રવાસ
ત્યારબાદ ઇન્દિરા બ્રિજ કોટેશ્વર રોડથી સ્ટેડિયમ જશે. સ્ટેડિયમમાં નમસ્તે ટ્રમ્પ કાર્યક્રમમાં હાજરી આપ્યા બાદ ત્યાંથી ફરી એરપોર્ટ પહોંચશે. એરપોર્ટ પરથી બપોરે 3.30 કલાકે ડોનાલ્ડ ટ્રમ્પ આગ્રા માટે રવાના થશે.તો ડોનાલ્ડ ટ્રમ્પની સુરક્ષા માટે ખાસ વ્યવસ્થા કરાઈ છે.
10:30 કલાકે રાજઘાટમાં મહાત્મા ગાંધીની સમાધિ પર શ્રદ્ધાંજલિ અર્પણ કરશે
11 વાગે હૈદરાબાદ હાઉસમાં પ્રધાનમંત્રી મોદી સાથે બેઠક કરશે ટ્રમ્પ
12:40 કલાકે હૈદરાબાદમાં વિવિધ કરાર કરવામાં આવશે, સંયુક્ત નિવેદન આપશે
7:30 કલાકે રાષ્ટ્રપતિ ભવનમાં રામનાથ કોવિંદ સાથે બેઠક કરશે
રાતે 10 વાગે અમેરિકા જવા થશે રવાના
કેવો રહેશે સુરક્ષા બંદોબસ્ત
ટ્રમ્પની સુરક્ષા માટે SRPની 15 કંપની, RAFની 3 કંપની તૈનાત રહેશે. આ ઉપરાંત 33 DCP, 75 ACP, 300 PI, 1 હજાર PSI અને 12 હજાર પોલીસ જવાનો તૈનાત રહશે. તો સુરક્ષા વ્યવસ્થામાં 2 હજાર મહિલાકર્મીઓ પણ જોડાશે. આ ઉપરાંત 15 બોમ્બ સ્ક્વોડ અને ડોગ સ્કોડ, SPG, NSG, DRDO, એરફોર્સ, પેરામિલિટરીના જવાનો પણ હાજર રહશે. જુદી જુદી એજન્સીઓ એકબીજાના સંકલનમાં રહશે. SRP, US સિક્રેટ સર્વિસના સંકલનથી સમગ્ર બંદોબસ્ત ગોઠવાયો છે. ટ્રમ્પ અને પ્રધાનમંત્રી નરેન્દ્ર મોદીના રોડ શોમાં પણ VVIP બંદોબસ્તની વ્યવસ્થા કરાઈ છે.
રોડ શોમાં વોકીટોકીની મદદથી સુરક્ષાકર્મીઓ સંવાદ સાધશે. 600 વોકીટોકી સેટ ઉપયોગમાં લેવાશે. 125 ડોર મેટર ડિટેકરત રોડ શોમાં રહેશે. 700 હેન્ડ હેર મેટર ડિટેક્ટર રખાશે. સ્ટેડિયમમાં પ્રવેશ માટે ખાસ વ્યવસ્થા કરાઈ છે. મોબાઈલ સિવાય કોઈ વસ્તુ સ્ટેડિયમમાં નહીં લઈ જઈ શકાય. 6 બેગેજ સ્કેનર રાખયા છે. CCTV કેમેરાથી ઘટનાક્રમ પર ચાંપતી નજર રખાશે.આ ઉપરાંત એન્ટી ડ્રોન સિસ્ટમની વિશેષ વ્યવસ્થા કરાઈ છે. જાહેર પ્રજાને ડ્રોનનો ઉપયોગ ન કરવા સુચના આપી દેવાઈ છે. મીડિયા માટે પણ પ્રવેશને લઈ ખાસ આયોજન છે. ઈંટરનેશનલ, નેશનલ અને રિજનલ મીડિયાને માહિતીખાતુ સ્ટેડિયમમાં લઈ જશે.