IPLIN
 
  • Home
  • India
  • Donald trump india agra tajmahal pm modi namaste trump

આગ્રા / તાજમહેલનો દીદાર કરીને ટ્રમ્પ પરિવાર ફોટા પડાવ્યા, જાણો ડોનાલ્ડ ટ્રમ્પે શું કહ્યું

Team VTV 06:34 PM, 24 Feb 20 | Updated: 06:38 PM, 24 Feb 20
Follow us
Donald trump india agra tajmahal pm modi namaste trump

અમદાવાદના પ્રવાસ પૂર્ણ કર્યા બાદ અમેરિકાના રાષ્ટ્રપતિ ડોનાલ્ડ ટ્રમ્પ અને તેમના પત્ની મિલેનિયા ટ્રમ્પ આગ્રામાં તાજમહેલ જોવા પહોંચ્યા હતા. તેમની સાથે દીકરી ઈવાન્કા અને જમાઇ જેર્ડ કુશનર પણ હતા. તેમણે અહીં તાજમહેલ સાથે ફોટો પડાવ્યા હતા.

  • 2 દિવસના ભારત પ્રવાસ પર છે અમેરિકન રાષ્ટ્રપતિ ડોનાલ્ડ ટ્રમ્પ
  • અમદાવાદથી આગ્રા પહોંચ્યા ટ્રમ્પ-મોદી, હવે જશે દિલ્હી
  • પ્રેમની નિશાની તાજમહેલનો કર્યો દીદાર

પ્રેમનું પ્રતિક ગણાતા તાજમહેલને નિહાળીને ટ્રમ્પ અને મિલેનિયા અભિભૂત થયા. ટ્રમ્પ તેમના પરિવાર સાથે આગ્રા પરિસરમાં દોઢ કિલોમીટર ફર્યા. ટ્રમ્પની મુલાકાત સમયે તાજમહેલની ચારે તરફ ચુસ્ત સુરક્ષા બંદોબસ્ત ગોઠવવામાં આવ્યો હતો. 

તાજમહેલની વિઝીટર્સ બુકમાં ટ્રમ્પનો સંદેશ

આ દરમિયાન ટ્રમ્પે તાજમહેલમાં રાખવામાં આવેલી વિઝીટર બુકમાં નોંધ પણ લખી હતી. ટ્રમ્પે લખ્યું તાજમહેલ ભારતીય સંસ્કૃતિનો સમૃદ્ધ વારસો છે. ટ્રમ્પે કહ્યું કે તાજે અમને પ્રેરિત અને ચકિત કર્યા.

ટ્રમ્પ પરિવારે ફોટા પડાવ્યા

ઈવાન્કા ટ્રમ્પે પોતાના પતિની સાથે તાજમહલેનો દીદાર કર્યો છે. એક તરફ જ્યાં ફોટોગ્રાફરે તેમના ફોટો ક્લિક કર્યા, ત્યારે ટ્રમ્પ અને મેલેનિયા અને ઇવાન્કાએ પોતાના ફોનથી પણ ફોટો ખેંચાવી.

આપને જણાવી દઈએ કે, વિદેશી પ્રવાસીઓમાં તાજમહેલનું ભારે આકર્ષણ રહે છે. ભારતના પ્રવાસે જે કોઇ પણ VVIP આવે છે તેઓ તાજમહેલની મુલાકાતે અચુક આવે છે.

અત્રે ઉલ્લેખનીય છે કે, અમેરિકન રાષ્ટ્રપતિ ડોનાલ્ડ ટ્રમ્પ પોતાના બે દિવસના ભારત પ્રવાસે આવ્યા છે. તેમણે સોમવાર સવારે અમદાવાદની મુલાકાત લીધી હતી. પીએમ મોદીએ અહીં એરપોર્ટ પર ડોનાલ્ડ ટ્રમ્પનું ગળે લગાવીને શાહી સ્વાગત કર્યું હતું. ટ્રમ્પની સાથે તેમના પત્ની મેલેનિયા ટ્રમ્પ અને દીકરી ઇવાન્કા ટ્રમ્પ પણ અમદાવાદ પહોંચ્યા હતા. એરપોર્ટથી તેઓ સાબરમતી આશ્રમની મુલાકાત લીધી હતી. જ્યાંથી તેઓ મોટેરા સ્ટેડિયમ નમસ્તે ટ્રમ્પ કાર્યક્રમમાં ઉપસ્થિત રહ્યા હતા. ટ્રમ્પ અને પીએમ મોદીનો 22 કિમી. લાંબો રોડ શો યોજાયો હતો. હાલ ટ્રમ્પ આગ્રાની મુલાકાતે છે. હવે તેઓ દિલ્હી જશે.

Namaste trump Tajmahal Donald Trump ડોનાલ્ડ ટ્રમ્પ નમસ્તે ટ્રમ્પ આગ્રા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ