અમેરિકાના રાષ્ટ્રપ્રમુખ ડોનાલ્ડ ટ્રમ્પ (Donald Trump) અને નરેન્દ્ર મોદી (Narendra Modi) એ મંગળવારે દિલ્હીમાં પ્રેસ કોન્ફરન્સ કરી. આ દરમિયાન બંને નેતાઓએ એલાન કર્યું કે ભારત-અમેરિકાની વચ્ચે 3 બિલિયન ડોલરની ડિફેન્સ ડીલ થશે. તેની સાથે ભારત અને અમેરિકાની વચ્ચે ટ્રેડ ડીલ પર વાત આગળ વધશે.
ડોનાલ્ડ ટ્રમ્પ અને નરેન્દ્ર મોદીએ દિલ્હીમાં પ્રેસ કોન્ફરન્સ કરી
CAA પર ડોનાલ્ડ ટ્રમ્પે કહ્યું કે તેના પર ભારત ખુદ નિર્ણય લેશે
આતંકવાદની વિરુદ્ધ ભારત-અમેરિકા એક છે
ડોનાલ્ડ ટ્રમ્પે અમેરિકી દૂતાવાસમાં ભારતીય CEOથી ટ્રમ્પે મુલાકાત કરી. આ દરમિયાન અમેરિકામાં આગામી ચૂંટણીને લઇને પણ વાતચીત થઇ. અમેરિકાના રાષ્ટ્રપ્રમુખ ડોનાલ્ડ ટ્રમ્પે પ્રેસ કોન્ફરન્સમાં કહ્યું કે આ યાત્રા મારા અને મારા પરિવાર માટે યાદગાર રહેશે. ભારતમાં અમારા બે દિવસ ખુબ જ શાનદાર વિત્યા. આ દરમિયાન પીએમ મોદી સાથે સકારાત્મક વાતચીત થઇ.
પત્રકારો સાથેની વાતચીતમાં ડોનાલ્ડ ટ્ર્મ્પે કહ્યું કે ભારત ખરેખર એક મહાન દેશ છે. આ સમયે ભારત-અમેરિકાના સંબંધો સૌથી સારા છે. તેઓએ કહ્યું કે આર્ટિકલ 370 ભારત અને પાકિસ્તાન વચ્ચેનો મામલો છે. CAA પર ડોનાલ્ડ ટ્રમ્પે કહ્યું કે તેના પર ભારત ખુદ નિર્ણય લેશે.
H-1B વિઝા પર ડોનાલ્ડ ટ્રમ્પે આમ કહ્યું
H-1B વિઝા પર ટ્રમ્પે કહ્યું કે તેને લઇને પીએમ મોદીથી વાતચીત થઇ હતી. આતંકવાદની વિરુદ્ધ ભારત-અમેરિકા એક છે. આતંકવાદને લઇને પીએમ મોદી ઘણા કડક છે. એમે ઇચ્છીએ છીએ કે ભારત-પાકિસ્તાન સાથે આવીએ. તેને લઇને હું મધ્યસ્થતા માટે પણ તૈયાર છું.
ઇસ્લામિક આતંકવાદના ફેલાય તેના માટે સતત પ્રયાસ
અમેરિકી રાષ્ટ્રપ્રમુખે કહ્યું કે ઇસ્લામિક આતંકવાદના ફેલાય એ દિશામાં અમે સતત પ્રયાસ કરી રહ્યા છીએ. સીરિયામાં જે થયું તેને આખા વિશ્વે જોયું. અમે તેને રોકવાની દિશામાં કામ કરી રહ્યા છીએ. આતંકવાદ પર અમે ઘણા પગલા ઉઠાવ્યા છે. રેડિકલ ઇસ્લામ મૂળથી ખતમ કરવાનો પ્રયાસ જારી છે. તેના માટે તમામ દેશોએ મદદ માટે આગળ આવવુ પડશે. તેને લઇને પાકિસ્તાન પર દબાવ બનાવવાની કોશિશ કરીશું.
પીએમ મોદી સાથે દિલ્હી હિંસા પર કોઇ વાતચીત નહીં : ટ્રમ્પ
પ્રેસ કોન્ફરન્સ દરમિયાન ટ્રમ્પને દિલ્હી હિંસા પર સવાલ પૂછવામાં આવ્યો. તેના પર તેઓએ કહ્યું કે પીએમ મોદી સાથે તેના પર કોઇ વાત થઇ નથી. ટ્રમ્પે કહ્યું કે બાકી દેશોની તુલનામાં ભારત વધારે ધાર્મિક છે. તેના પર પીએમ મોદી સાથે વાતચીત પણ થઇ છે.
પત્રકારો સાથેની વાતચીત દરમિયાન ટ્રમ્પે કહ્યું કે ભારત એક મહાન દેશ છે. આ સમયે ભારત-અમેરિકા વચ્ચે સારા સંબંધો છે. બંને દેશોના દ્વિપક્ષીય મુદ્દાઓ પર ચર્ચા થઇ. અમે ઘણા મુદ્દાઓ પર વિચાર કર્યો છે. અમે ભારતની સાથે આપસી સંબંધોને વધારવા ઇચ્છીએ છીએ. અમે આખા વિશ્વમાં શાંતિ ઇચ્છીએ છીએ. અફઘાનિસ્તાનમાં શાંતિ લાવવાની દિશામાં કામ જારી છે. કોઇ નિર્દોષ ન મરવો જોઇએ.