કેમ છો ટ્રમ્પ! / ટ્રમ્પની મહેમાનગતિ પાછળ થનાર ખર્ચની રકમ સાંભળી કાન ફાટી જશે, જાણો કોણ ભોગવશે આ ખર્ચ?

• ગુજરાતને ટ્રમ્પની મુલાકાત 100 કરોડમાં પડશે
• કેન્દ્ર, રાજ્ય, અમદાવાદ કોર્પોરેશન મુલાકાતનો ખર્ચ કરશે
• સ્ટેડિયમની અંદરનો ખર્ચ  BCCI ભોગવશે

30 કરોડનો રોડ શો

મોદી અને ટ્રમ્પ માટે એરપોર્ટથી ગાંધીઆશ્રમ સુધી રોડ શો કરવાના છે આ રોડ શોમાં અંદાજે 30 કરોડ રૂપિયાનો ખર્ચ થવાની સંભાવના છે. જેમાં 21 કરોડના તો નવા રોડ રસ્તા બનાવાયા છે અને તમામ રોડ ઉપર ઝાડ વાવનો ખર્ચ પણ લાખોમાં છે. 

કોણ ભોગવશે કેટલો ખર્ચ

આ પ્રોગ્રામ થનારા ખર્છમાં કેન્દ્રસરકાર હાલ 30 કરોડ, રાજ્ય સરકાર દ્વારા  25 કરોડ અને અમદાવાદ દ્વારા કોપોરેશન 20 કરોડનો ખર્ચ કરવામાં આવશે તેવું કહેવાઈ રહ્યું છે જો કે હાલજ આ લમછમ ખર્ચ રૂા. 100 કરોડને પાર કરી રહ્યો છે ત્યારે ખરેખરો ખર્ચ તો જાણવો જ રહ્યો. સ્ટેડિયમની અંદરનો ખર્ચ  BCCI ભોગવશે.

ડોનાલ્ડ ટ્રમ્પને ગુજરાતી સંસ્કૃતિ બતાવાશે

ગુજરાતના લોક સંગીત અને સંસ્કૃતિની ઝાંખી બતાવાશે. ટ્રમ્પ ગુજરાતના દાંડિયા રાસ નિહાળશે. એટલુ જ નહીં પરંતું મિલેનિયા અને ડોનાલ્ડ ટ્રમ્પ ગરબે ઘૂમી શકે છે. મણિયારો રાસનું પણ આયોજન કરવામાં આવ્યું. આદિવાસી નૃત્યનું પણ આયોજન કરવામાં આવ્યું. આ અંગેની તમામ જવાબદારી રમતગમત મંત્રાલયને આપવામાં આવી છે.