અમેરિકા / રાષ્ટ્રપતિ પદના શપથ પહેલા ડોનાલ્ડ ટ્રમ્પને રાહત, હશ મની કેસમાં સુપ્રીમ કોર્ટનો મહત્વનો ચૂકાદો

કોર્ટે બીજી ટર્મ માટે પણ શુભેચ્છાઓ પાઠવી હતી. ચુકાદો આપતા જજ માર્ચેને આ કેસને અસાધારણ કેસ ગણાવ્યો હતો. તેમણે કહ્યું કે આ કેસમાં મોટો વિરોધાભાસ છે. આ કેસ મીડિયામાં હેડલાઇન્સ બન્યો પરંતુ કોર્ટમાં મામલો અલગ છે. ચુકાદા પર ટ્રમ્પે ન્યાયાધીશને કહ્યું મારી સાથે ખૂબ જ ખરાબ વ્યવહાર કરવામાં આવ્યો. નિર્ણય બદલ હું તમારો ખૂબ ખૂબ આભાર માનું છું.

ડોનાલ્ડ ટ્રમ્પ પર શું આરોપ મૂકવામાં આવ્યા હતા?

2016માં ટ્રમ્પ પર સ્કેન્ડલથી બચવા માટે એક એડલ્ટ સ્ટારને 1 લાખ 30 હજાર ડોલર આપવાનો આરોપ હતો. આરોપ હતો કે તેણે આ પૈસા એડલ્ટ સ્ટારને પોતાના સંબંધો અંગે મૌન રાખવા માટે આપ્યા હતા. ટ્રમ્પને ગયા વર્ષે મે મહિનામાં દોષિત ઠેરવવામાં આવ્યા હતા. શુક્રવારે ટ્રમ્પ વીડિયો કોન્ફરન્સિંગ દ્વારા કોર્ટની સુનાવણીમાં હાજર થયા હતા.

પ્રોસિક્યુટરે ટ્રમ્પના નિવેદનોનો ઉલ્લેખ કર્યો

ફરિયાદી સ્ટેનગ્લાસે સુનાવણી દરમિયાન અને પછી ડોનાલ્ડ ટ્રમ્પના વર્તનની નિંદા કરી હતી. તેમણે કહ્યું કે ટ્રમ્પે આ કેસની માન્યતાને નબળી પાડવા માટે એક અભિયાન ચલાવ્યું. તેણે ટ્રમ્પના અનેક નિવેદનોનો પણ ઉલ્લેખ કર્યો જેમાં તેણે કહ્યું હતું કે તેને આ કેસમાં ફસાવવામાં આવી રહ્યો છે.

વધુ વાંચો:લોસ એન્જલસની આગમાં 3000000000ની આલિશાન હવેલી બળીને રાખ, જુઓ ખૌફનાક વીડિયો

ટ્રમ્પે ન્યાયિક પ્રક્રિયા પર હુમલો કર્યો

એટલું જ નહીં, ફરિયાદીએ તેમના નિવેદનનો પણ ઉલ્લેખ કર્યો જેમાં ટ્રમ્પે ડિસ્ટ્રિક્ટ એટર્ની ઓફિસને ભ્રષ્ટ ગણાવી હતી. સ્ટેનગ્લાસે કોર્ટને જણાવ્યું હતું કે ટ્રમ્પ દ્વારા કોર્ટ અને ફોજદારી ન્યાયિક પ્રક્રિયા પર હુમલો કરવામાં આવ્યો હતો. આની કોર્ટની બહાર પણ વ્યાપક અસર પડી હતી અને ટ્રમ્પે ફોજદારી ન્યાયિક પ્રક્રિયા વિશે લોકોના અભિપ્રાયને નુકસાન પહોંચાડ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ