નિવેદન / ભારત- ચીન સીમા વિવાદને લઈને ડોનાલ્ડ ટ્રમ્પનું મોટું નિવેદન, કહ્યું....

• અમેરિકાના રાષ્ટ્રપતિ ડોનાલ્ડ ટ્રમ્પનું મોટું નિવેદન
• ભારત ચીન જાતે જ તેમની સમસ્યાઓ ઉકેલી લેશે
• મદદની જરૂર હશે તો અમે તૈયાર છીએઃ ટ્રમ્પ

ટ્રમ્પનું નિવેદન એવા સમયે આવ્યું છે જ્યારે એક દિવસ પહેલાં જ ભારત અને ચીનના સૈન્ય કમાન્ડરોએ લદ્દાખમાં વાસ્તવિક નિયંત્રણ રેખા (LAC) પર મહિનાઓથી ચાલી રહેલા ગતિરોધને ખતમ કરવાની વાત કરી છે. બંને દેશ હિમાલયમાં વિવાદિત સીમા પર વધુ સૈન્યને ન મોકલવા પર સહમત થયા છે. આ સમયે દ વૉલ સ્ટ્રીટ જનરલે કહ્યું છે કે સીમા સંધર્ષ ભારતને એક અસિમેટ્રિક પ્રતિક્રિયા માટે પ્રેરિત કરી રહ્યું છે. મળતી માહિતી અનુસાર ભારત નવા જહાજના નિર્માણ સમયે અમેરિકા અને તેના સહયોગીની સાથે સંયુક્ત નૌસૈનિક યુદ્ધાભ્યાસ ઝડપી બનાવી રહ્યું છે. સાથે નક્કી ચોકીઓનું એક નેટવર્ક બનાવી રહ્યું છે જે નવી દિલ્હીને હિંદ મહાસાગરના સમુદ્રી યાતાયાત પર નજર રાખવાની પરમિશન આપશે. 
 

અમેરિકી વિશ્લેષકે કહી આ વાત

એક રિપોર્ટમાં ભારત અને દક્ષિણ એશિયા પર અમેરિકી વિશેષજ્ઞ એશલે ટેલિસે કહ્યું છે કે ટ્રમ્પ પ્રશાસને આ સંકટમાં ભારતનું પારદર્શી રીતે સમર્થન કર્યું છે. તે ચીનના વ્યાપક રીતે સામનો કરવાના અવસરોને પ્રેરિત કરે છે. તેઓએ કહ્યું કે ચીની આક્રમણ એટલું જબરદસ્ત રહ્યું કે સંયુક્ત રાજ્ય અમેરિકા સ્ટેન્ડબાય પર નથી રહી શકતું કે ન તે તેને ટાળી શકે છે. ટેલિસે એમ પણ કહ્યું છે કે ચીનના સૈન્યએ કાર્યવાહી કરી અને ઝડપી પગલાં લીધા તેનાથી જાનમાલનું નુકસાન પણ થયું છે. મને લાગે છે કે તેણે પોતાને સંયુક્ત રાજ્યની વિપરિત દિશામાં ઊભું કર્યું છે. આ સિવાય ચીનની સાથે ટ્રમ્પ પ્રશાસનની દ્વિપક્ષીય સમસ્યા છે જેના કારણે તેની પાસે ભારતનું સમર્થન કરવા સિવાય કોઈ વિકલ્પ પણ નથી.