દુનિયાના સૌથી શક્તિશાળી મનાતા અમેરિકાના રાષ્ટ્રપતિ ડોનાલ્ડ ટ્રમ્પ 24-25 ફેબ્રુઆરીએ ભારત પ્રવાસે આવશે. 24 ફેબ્રુઆરીએ તેઓ અમદવાદના નવા બનેલા મોટેરા સ્ટેડિયમમાં ટ્રમ્પનું ભવ્ય સ્વાગત કરવામાં આવશે. આ દરમિયાન ડોનાલ્ડ ટ્રમ્પની લોખંડી સુરક્ષાની વ્યવસ્થા કરવામાં આવી છે.
ટ્રમ્પ સાથે તેની પોતાની સિક્રેટ સિક્યોરીટીનો કાફલો સાથે હશે
ટ્રમ્પના આગમનને લઈ લોખંડી સુરક્ષા વ્યવસ્થા ગોઠવવામાં આવી છે. અલગ અલગ વિભાગમાં બંદોબસ્ત ગોઠવવામાં આવશે. સમગ્ર રૂટ પર ૨૦૦ સીસીટીવી કેમેરા અને NSG અને SPG ના અલગ ડ્રોન કેમેરાની નજર રહેશે. સિક્રેટ સર્વિસ અને IB હાજર રહેશે. તો SPG, NSG અને ગુજરાત પોલીસ ખડેપગેરહેશે . જેમાં 25 IPS, 65 ACP, 200 PI, 800 PSI અને 10 હજાર પોલીસકર્મીઓ તૈનાત રહેશે.
જેટ એરફોર્સ 1 ઉપરાંત 6 વિમાન રહેશે
એટલું જ નહીં એર સુરક્ષાને પણ ધ્યાનમાં લેવાઈ છે. એર સુરક્ષાને ધ્યાનમાં રાખી વિમાનો કાફલો પણ રહેશે. કાફલામાં અમેરિકાના અધિકારીઓ જેટ એરફોર્સ 1 ઉપરાંત 6 વિમાન રહેશે. કહેવામાં આવી રહ્યું છે તેમાં અલગ અલગ હેલીકોપ્ટર, કાર અને કાર્ગો પણ હશે. તેમજ ટ્રમ્પ પોતાની સિક્રેટ સર્વિસનો કાફલો લઈને આવશે. જેનો બે દિવસનો સુરક્ષાનો ખર્ચો 3 કરોડની આસપાસ હોય છે. જે જે તે દેશના પ્રવાસ પર આધારિત છે.
આંતરીક સુરક્ષા ટુકડી સંપૂર્ણ રીતે પ્રેસિડન્ટની સુરક્ષા ટીમ સંભાળે
જ્યારે કોઈ પણ દેશમાં ટ્રમ્પનો કાફલો ચાલે છે કો ત્યાના સ્થાનિક સુરક્ષા કર્મીઓ સિવાય ટ્રમ્પના પોતાના સુરક્ષા કર્મીઓ પણ હોય છે. જે હજારોની સંખ્યામાં હોય છે. આંતરીક સુરક્ષા ટુકડી સંપૂર્ણ રીતે પ્રેસિડન્ટની સુરક્ષા ટીમ સંભાળે છે.
આગળનો રસ્તો સાફ કરવાનું કામ આમનું જ હોય છે
આંતરીક સુરક્ષામાં સામાન્ય રીતે 14 વાહનો હોય છે. સૌથી આગળ અને આજુ બાજુમાં 9 બાઈક ચાલે છે. જે આધુનિક ટેક્નોલોજીવાળા હોય છે. જે કોઈ પણ સંકટમાં પહોંચી વળવાની ક્ષમતા ધરાવે છે. આગળનો રસ્તો સાફ કરવાનું કામ આમનું જ હોય છે.
28 અલગ-અલગ સ્થળો પર પાર્કિંગ વ્યવસ્થા કરાઇ છે
અમેરિકાના રાષ્ટ્રપતિ અમદાવાદના પ્રવાસે આવી રહ્યાં છે. ત્યારે અમદાવાદ એરપોર્ટ પર PM મોદી ટ્રમ્પનું સ્વાગત કરશે. એટલું જ નહી એરપોર્ટથી બંને નેતાઓ ગાંધી આશ્રમ જશે. બાદમાં રિવરફ્રન્ટથી રોડ શો યોજાશે તો PM મોદી અને ટ્રમ્પ મોટેરા સ્ટેડિયમની મુલાકાત લેશે. જ્યાં 1.20 લાખ લોકો મોટેરા સ્ટેડિયમમાં હાજર રહેશે તો સાથે જ 28 અલગ-અલગ સ્થળો પર પાર્કિંગ વ્યવસ્થા કરાઇ છે.