અમેરિકાના રાષ્ટ્રપતિ ડોનાલ્ડ ટ્રમ્પ કોરોના વાયરસના દર્દી છે અને તેમની સારવાર ચાલી રહી છે. શ્વાસ લેવામાં તકલીફ થતાં તેમને એડમિટ કરાયા હતા.વ્હાઈટ હાઉસના નિવેદન અનુસાર આવનારા 48 કલાક તેમના માટે ચિંતાજનક છે. આ સમયે તેમને એક ખાસ એન્ટીબોડી કોકટેલ આપવામાં આવી રહી છે. આ દવા સામાન્ય માણસોને મળતી નથી.
ડોનાલ્ડ ટ્રમ્પ કોરોના પોઝિટિવ
આવનારા 48 કલાક મહત્વનાઃ વ્હાઈટ હાઉસ
ટ્રમ્પને અપાઈ રહી છે ખાસ પ્રકારની એન્ટીબોડી કોકટેલ
રાષ્ટ્રપતિ ટ્રમ્પને અપાઈ રહી છે આ ખાસ દવા
એક રિપોર્ટ અનુસાર જાણવા મળી રહ્યું છે કે રાષ્ટ્રપતિ ટ્રમ્પને ઉંદરની મદદથી તૈયાર કરવામાં આવેલી એન્ટી બોડી આપવામાં આવી રહી છે. આ દવાનો ઉપયોગ સામાન્ય લોકો પર થઈ રહ્યો નથી અને સામાન્ય લોકોને પણ આ દવા મળી રહી નથી. ઉંદરની મદદથી તૈયાર કરાયેલી આ દવા અમેરિકી કંપની Regeneronએ બનાવી છે. તેનો ઉપયોગ બ્રિટનમાં ટ્રાયલમાં કરવામાં આવી રહ્યો છે. ઓક્સફર્ડ પ્રોફેસરે આ દવાને અસરકારક ગણાવી છે અને તેનું નામ REGN-COV2 રખાયું છે.
ખાસ દવા સાથે અપાઈ રહી છે આ ટ્રીટમેન્ટ
REGN-COV2 ની સાથે જ રાષ્ટ્રપતિ ટ્રમ્પને Remdesivir પણ આપવામાં આવે છે. સાથે ઝિંક, વિટામીન ડી, એસ્પિરિન, Famotidine અને Melatonin જેવી દવાઓ પણ અપાય છે. REGN-COV2નું ટ્રાયલ ચાલી રહ્યું છે. પરંતુ શરૂઆતના પરિણામમાં જોવા મળી રહ્યું છે કે જે દર્દીઓ હોસ્પિટલમાં એડમિટ નથી તેમાં આ દવાના કારણે વાયરસનો લોડ ઘટી રહ્યો છે. શરીરમાં વાયરસનું પ્રમાણ ઘટે છે.
જાણો ખાસ દવા કઈ રીતે કરે છે દર્દી પર અસર
REGN-COV2 દવા કોરોનાના દર્દીમાં રિકવરી સમયને અડધો કરે છે. ઉંદર અને કોરોનાથી સાજા થયેલા વ્યક્તિના એન્ટીબોડીને મિક્સ કરીને આ દવા તૈયાર કરાય છે. આ દવા કોરોનાને ન્યૂટ્રલાઈઝ કરવાનું કામ કરે છે. જો કે ટ્રાયલમાં 2 દર્દીઓને આ દવાની સાઈડ ઈફેક્ટ થયું હોવાનું પણ સામે આવ્યું છે.