લોન / અમેરિકી રાષ્ટ્રપ્રમુખ ડોનાલ્ડ ટ્રમ્પ ભડક્યા, કહ્યું, વર્લ્ડ બેન્ક ચીનને લોન આપવાનું બંધ કરે

• અમેરિકા અને ચીનની વચ્ચે ટ્રેડ વોર ઓછો થવાનું નામ નથી લઇ રહ્યો
• વર્લ્ડ બેન્કે ચીનને લોન આપવાનું બંધ કરી દેવું જોઇએ
• અમેરિકા પણ વર્લ્ડ બેન્કનું એક મોટુ શેયર હોલ્ડર છે

ડોનાલ્ડ ટ્રમ્પના નિવેદન બાદ વર્લ્ડ બેન્કના પ્રેસિડેન્ડ ડેવિડ મલપાસે કહ્યું કે, ચીનને મળી રહેલી લોનમાં સતત ઘટાડો કરવામાં આવી રહ્યો છે અને આવનારા દિવસોમાં તેને વધુ ઘટાડવામાં આવશે. આવુ બેન્કના શેયરહોલ્ડર્સની સાથે અમારા એગ્રીમેન્ટને કારણે કરવામાં આવી રહ્યું છે. અમેરિકા પણ વર્લ્ડ બેન્કનું એક મોટુ શેયર હોલ્ડર છે. 

ડેવિડ મલપાસે કહ્યું કે જ્યારે કોઇ દેશ ધનિક થવા લાગે છે, તો બેન્ક તેને લોન ઓછી આપે છે. અમેરિકાએ હવે ચીનને મળી રહેલી લોન પર સવાલ ઉભા કરવાનું શરૂ કરી દીધું છે. 

ચીન અને અમેરિકાની વચ્ચે લગભગ 18 મહીનાથી ટ્રેડ વોર યથાવત છે. અમેરિકાએ ચીનથી આયાત થનારા લગભગ 550 અરબ ડોલરના સામાનો પર ટેરિફ વધારી દીધો છે. ચીને પણ અમેરિકાથી આયાત થતા સામાન પર ટેરિફ વધાર્યો છે.