પુલવામા આતંકી હુમલા પર હવે ભારતને અમેરિકાનો સાથ મળ્યો છે. અમેરિકી રાષ્ટ્રપતિ ડોનાલ્ડ ટ્રમ્પે આ હુમલાની નિંદા કરી છે. જ્યારે અમેરિકાના વિદેશ મંત્રાલયે પાકિસ્તાનને દોષિતો વિરુદ્ધ કડક કાર્યવાહી કરવાની માગ કરી છે.
પુલવામા આતંકી હુમલા બાદ વિશ્વભરમાં પાકિસ્તાનની ટીકા થઈ રહી છે ત્યારે ડોનાલ્ડ ટ્રમ્પે પણ આ મામલે પાકિસ્તાનને ટકોર કરી છે અને ભારતને સહકાર આપ્યો છે. ડોનાલ્ડ ટ્રમ્પે પુલવામા હુમલાને ભયાનક ગણાવ્યો છે.
અમેરિકાના રાષ્ટ્રપતિએ પોતાની ઓફિસમાં મીડિયા સાથે વાત કરતાં કહ્યું કે પુલવામા હુમલા પર મને રિપોર્ટ મળી રહ્યો છે ત્યાં જે પણ થયું તે ભયાનક છે.
જો કે અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું હતું કે તેઓ આ અંગેનો રીપોર્ટ જોઇને પોતાનું નિવેદન જારી કરશે. જ્યારે અમેરિકાના વિદેશ મંત્રાલયે જણાવ્યું છે કે પુલવામા હુમલા બાદ તેઓ ભારત સાથે છે
પાકિસ્તાને આ હુમલાના જવાબદારો વિરુધ્ધ કડક કાર્યવાહી કરવી જોઇએ. વિદેશ વિભાગના ડેપ્યુટી પ્રવક્તા રોબર્ટ પોલડિનોના જણાવ્યા અનુસાર પુલવામા હુમલા બાદ અમેરિકા સતત ભારતના સંપર્કમાં છે.
રોબર્ટ પોલડિનોએ કહ્યું કે અમે અપીલ કરીએ છીએ કે પાકિસ્તાન આ હુમલાની તાપસ કરવામાં મદદ કરવી જોઇએ અને જો કોઇ દોષી પુરવાર થાય છે તો તેને સજા આપવી જોઇએ.