ચૂંટણીની તૈયારીમાં વ્યસ્ત અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો છે પ્રધાનમંત્રી નરેન્દ્ર મોદીએ કોરોના વાયરસના ટેસ્ટિંગને લઈને શાનદાર કામ કર્યુ છે. ત્યારે સ્વાઈન ફ્લૂને રોકવામાં નિષ્ફળ રહેવાનો આરોપ લગાવતા પોતાના પ્રતિસ્પર્ધી ડેમોક્રેટિક ઉમેદવાર જો બિડન નિશાન સાધ્યુ છે. કોરોના વાયરસ ઝડપથી વધી રહ્યો છે. સૌથી વધારે કેસ અમેરિકામાં અને બીજા નંબરે ભારત છે.
આપણે ભારતની સરખામણીએ વધારે કોરોના ટેસ્ટ કર્યા
ટેસ્ટિંગના મામલામાં અમેરિકા બાદ ભારત બીજા સ્થાને છે
મોદીએ તેમને ફોન કર્યો અને કહ્યું કે તમે ટેસ્ટિંગને લઈને શું અદભૂત કામ કર્યુ છે
અમેરિકન રાષ્ટ્રપતિ ટ્રમ્પે એક ચૂંટણી રેલીમાં કહ્યુ કે અત્યાર સુધી આપણે ભારતની સરખામણીએ વધારે કોરોના ટેસ્ટ કર્યા છે. ટેસ્ટિંગના મામલામાં અમેરિકા બાદ ભારત બીજા સ્થાને છે. આપણે ભારત કરતા 4.4 કરોડ ટેસ્ટ વધારે કર્યા છે. તેમની પાસે 1.5 અરબ આબાદી છે.’ ટ્રમ્પે કહ્યુ કે પીએમ મોદીએ તેમને ફોન કર્યો અને કહ્યું કે તમે ટેસ્ટિંગને લઈને શું અદભૂત કામ કર્યુ છે.’
અમેરિકામાં કુલ કોરોનાનો આંક 64,83,064 છે. જ્યારે બીજા નંબરે રહેલા ભારતમાં 48 લાખ 45 હજાર 3 કેસ સામે આવ્યા છે. ઉલ્લેખનીય છે કે ભારતમાં કોરોનાનું સંક્રમણ યથાવત છે. એક દિવસમાં 93 હજાર 215 કેસ નોંધાયા છે. એક દિવસમાં 1 હજાર 140 લોકોના મૃત્યુ થયા છે. જ્યારે 77 હજાર 746 લોકો એક દિવસમાં સ્વસ્થ થયા છે. દેશમાં કોરોનાના 9 લાખ 87 હજાર 531 એક્ટીવ કેસ છે. જ્યારે હાલ ભારતમાં કોરોનાના કુલ કેસ 48 લાખ 45 હજાર 3 છે.