અમેરિકી રાષ્ટ્રપતિ ડોનાલ્ડ ટ્રમ્પ આ દિવસોમાં ગુગલથી નારાજ છે. તેમની ફરિયાદ છે કે ગુગલ તેમની છબી ખરાબ કરી રહ્યુ છે.
જેના કારણે તેઓ દુનિયાના સૌથી મોટા સર્ચ એન્જિન વિરુદ્દ કાર્યવાહી કરવાની તૈયારીમાં છે.
ટ્રમ્પનું કહેવુ છે કે જ્યારથી તે રાષ્ટ્રપતિ બન્યા છે મીડિયા તેમના વિરુદ્ધ ખબરો ચલાવી રહ્યુ છે. એવામાં ગુગલ તેમના વિરુદ્ધ
નકારાત્મક ખબરો સર્ચ કરવામાં અહેમ ભૂમિકા નિભાવી રહ્યુ છે.
એક અમેરિકી વેબસાઈટ પ્રમાણે જો ગુગલ પર ઈડીયટ શોધીએ છીએ તો સૌથી પહેલા ડોનાલ્ડ ટ્રમ્પનો ફોટો સામે આવે છે. તેના
કારણે પહેલાથી જ ઘણી બબાલો થઈ ચુકી છે. પોતાના ટ્વિટર પોસ્ટમાં મંગળવારે ટ્રમ્પે લખ્યુ 'ટ્રમ્પ લખવા પર ગુગલ સર્ચ
રિઝલ્ટમાં ફક્ત મારા વિરુદ્ધ નકારાત્મક ખબરો દેખાય છે.
આ ફેક ન્યૂ મીડિયા છે. બીજા શબ્દોમાં કંપની મારા અને અન્ય લોકો વિરુદ્ધ હેરાફેરી કરી રહી છે જેમાં મોટભાગની ખબરો નકારાત્મક
છે. રિપબ્લિકન/ કંજરવેટિવ અને નિષ્પક્ષ મીડિયા બધુ ખતમ થઈ ચુક્યુ છે. આ બધુ અવૈધ છે?' ઉપરાંત તેઓએ એક અમેરિકી
ન્યૂઝ ચેનલ પર પણ આક્ષેપો કર્યા હતા.
બીજા ટ્વિટમાં ટ્રમ્પે કહ્યુ કે 96%થી વધારે ટ્રમ્પ ન્યૂઝના સર્ચ રિઝલ્ટમાં રાષ્ટ્રીય વામપંથી મીડિયાનો હાથ છે જે ઘણુ કતરનાક છે.
ગુગલ અને અન્ય કંપનીઓ કંજરવેટિવ(રૂઢીચુસ્ત)નો અવાજ દબાવી રહ્યા છે અને ખબરોને છાપી રહ્યા છે.
તે સારી વાત છે. આ લોકો તે ચીજોને નિયંત્રિત કરી રહ્યા છે જેને આપણે જોઈ પણ શકીએ છીએ અને નથી પણ જોઈ શકતા. આ
ઘણી ગંભીર વાત છે જેને ધ્યાનમાં રાખવામાં આવશે.