જાહેરાત / દક્ષિણ સરહદ પર ઈમરજન્સી, થર્ડ જેન્ડર સમાપ્ત, ટેરિફ વધારીશું, શપથ લેતા જ ટ્રમ્પના મોટા એલાન

ડોનાલ્ડ ટ્રમ્પે 20 જાન્યુઆરી 2025ના રોજ એટલે કે, આજે યુનાઇટેડ સ્ટેટ્સના 47મા રાષ્ટ્રપતિ તરીકે શપથ લીધા છે. ટ્રમ્પે અનેક કેસ, બે મહાભિયોગ અને બે ઘાતક હુમલાઓનો સામનો કર્યા પછી સત્તામાં અમેરિકાની આશ્ચર્યજનક વાપસી કરી છે. કડકડતી ઠંડીના કારણે 40 વર્ષમાં પ્રથમ વખત કેપિટલ હિલની અંદર અમેરિકી રાષ્ટ્રપતિનો શપથ ગ્રહણ સમારોહ યોજાયો હતો. જેડી વેન્સે ઉપરાષ્ટ્રપતિ તરીકે શપથ લીધા હતા. ડોનાલ્ડ ટ્રમ્પના શપથ સમારોહ કાર્યક્રમમાં અરબોપતિઓ, ઉદ્યોગપતિઓ, તેમની કેબિનેટના સભ્યો અને ભૂતપૂર્વ યુએસ પ્રમુખો સહિત અન્ય મહાનુભાવોએ હાજરી આપી હતી. પદના શપથ લીધા બાદ પોતાના સંબોધનમાં ડોનાલ્ડ ટ્રમ્પે અમેરિકાની દક્ષિણી સરહદ પર રાષ્ટ્રીય કટોકટી જાહેર કરી હતી. તમને જણાવી દઈએ કે અમેરિકાની દક્ષિણી સરહદ મેક્સિકો સાથે છે.

રાષ્ટ્રપતિ ટ્રમ્પે આ મોટી જાહેરાતો કરી

1. અમેરિકાની દક્ષિણ સરહદ પર રાષ્ટ્રીય કટોકટી જાહેર કરી, ગેરકાયદેસર ઇમિગ્રન્ટ્સને રોકવા માટે સેના તૈનાત કરવામાં આવશે
2. મેક્સિકો નીતિના અમલીકરણની જાહેરાત
3. કેચ અને રીલીઝ પ્રથાનો અંત
4. ક્રિમિનલ કાર્ટેલને વિદેશી આતંકવાદી સંગઠનો જાહેર કરવામાં આવશે
5. અમેરિકામાં વિદેશી ગેંગને ખતમ કરવા માટે વિદેશી સત્રુ એક્ટ 1978 લાગુ કરવામાં આવ્યો
6. નેશનલ એનર્જી ઈમરજન્સીની જાહેરાત
7. ફ્રી ભાષણ માટે અમેરિકામાં સેન્સરશિપ પર પ્રતિબંધ
8. અમેરિકામાં થર્ડ જેન્ડર સમાપ્ત થશે, ત્યાં માત્ર પુરુષ અને સ્ત્રી જેન્ડર હશે.
9. કોવિડ ઉલ્લંઘનને કારણે નોકરીમાંથી કાઢી મૂકવામાં આવેલા કર્મચારીઓને તેમની નોકરી પુનઃસ્થાપિત કરવામાં આવશે અને તેમને વળતર પણ મળશે.
10. ગલ્ફ ઓફ મેક્સિકોનું નામ બદલીને ગલ્ફ ઓફ અમેરિકા કરવાની જાહેરાત
11. ટ્રમ્પે પનામા કેનાલ પાછી લેવાની પ્રતિબદ્ધતાનો પુનરોચ્ચાર કર્યો
12. ટ્રમ્પે કહ્યું કે, અન્ય દેશોને સમૃદ્ધ કરવા માટે અમારા નાગરિકો પર ટેક્સ લગાવવાને બદલે, અમે અમારા નાગરિકોને સમૃદ્ધ કરવા માટે વિદેશી દેશો પર ટેરિફ અને ટેક્સ લાદીશું.

આ પણ વાંચો: 'હવેથી કોઈ પણ દેશને અમે અમારો ફાયદો નહીં ઉઠાવવા દઈએ', રાષ્ટ્રપતિ બનતા જ ટ્રમ્પનો હુંકાર

''પનામા કેનાલ પાછી લેશે''

ટ્રમ્પે પનામા કેનાલ પાછી લેવાની તેમની પ્રતિબદ્ધતાનો પુનરોચ્ચાર કર્યો હતો. તેમણે કહ્યું કે પનામા કેનાલમાંથી પસાર થતા અમેરિકન જહાજોને વધુ ટોલ વસૂલવામાં આવે છે. પનામાને કેનાલ આપવી એ મૂર્ખતાપૂર્ણનો નિર્ણય હતો. તેમણે કહ્યું કે ''પનામા કેનાલ પર ચીનનું નિયંત્રણ છે અમે તેને પાછું લઈ જઈશું'' ડોનાલ્ડ ટ્રમ્પે કહ્યું કે ''અમેરિકા તે કામ વધુ સારી રીતે કરે છે જેને અશક્ય માનવામાં આવે છે

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ