coronavirus / કોરોનાઃ પત્રકારે પૂછ્યો એવો સવાલ કે ભડક્યાં ટ્રમ્પ, કહ્યું - મને નહીં પૂછવાનું

પત્રકારના સવાલ પર ભડકયાં ટ્રમ્પ

ઉલ્લેખનીય છે કે વ્હાઇટ હાઉસમાં અમેરિકાની કોરોનાને લઇને રોજ પત્રકાર પરિષદ યોજવામાં આવે છે. જેમાં રાષ્ટ્રપતિ ટ્રમ્પ પણ ઉપસ્થિત રહે છે. આ દરમિયાન એશિયાઇ અમેરિકી પત્રકાર જિયાંગે ટ્રમ્પને સવાલ કર્યો કે કોરોના વાયરસ પરીક્ષણને વૈશ્વિક સ્પર્ધા તરીકે કેમ જુઓ છો,જ્યારે 80,000 થી વધારે અમેરિકાના લોકોના જીવ ગયા છે. 

મને નહીં, ચીનને પૂછો

જેના જવાબમાં ટ્રમ્પે છંછેડાઇને જવાબ આપતાં કહ્યું કે મને નહીં પુછો, ચીનને સવાલ પૂછો, ઠીક છે ? ત્યાર બાદ ટ્રમ્પે સીએનએન માટે વ્હાઇટ હાઉસમાં પત્રકાર કેટલન કૉલિન્સને પછીનો સવાલ પૂછવા માટે કહ્યું પરંતુ જિયાંગે બીજો સવાલ કર્યો કે સર તમે મને વિશેષ રીતે આવું કેમ કહી રહ્યાં છો ?

મને ખરાબ સવાલ કરાનાર માટે આ છે જવાબ

જેના જવાબમાં ટ્રમ્પે કહ્યું કે હું તમને બતાવી રહ્યો છું. હું આ વિશેષ રીતે કોઇ માટે કહી રહ્યો નથી. આ જવાબ એ બધા માટે છે કે જે મને ખરાબ સવાલ પૂછે છે. જેના પર જિયાંગે કહ્યું કે આ ખરાબ સવાલ નથી. જેને લઇને ટ્રમ્પે કહ્યું કે તેનાથી શું ફરક પડે છે ?

પત્રકાર પરિષદ છોડીને જતાં રહ્યાં ટ્રમ્પ
ત્યારબાદ અમેરિકાના રાષ્ટ્રપતિ ડોનાલ્ડ ટ્રમ્પે બીજા કોઇ અન્ય પત્રકારનો સવાલનો જવાબ આપ્યો નહી અને પત્રકાર પરિષદ અધૂરી છોડીને જતા રહ્યાં. ઉલ્લેખનીય છે કે અમેરિકામાં કોરોના વાયરસના કારણે અત્યાર સુધીમાં 80 હજાર કરતાં વધારે લોકોના જીવ ગયા છે, જ્યારે લાખો લોકો હજી પણ કોરોના પોઝિટિવ છે.
 

The Lamestream Media is truly out of control. Look how they work (conspire!) together. They are the Enemy of the People, but don’t worry, we will WIN in November! https://t.co/3YOSChXP9M

— Donald J. Trump (@realDonaldTrump) May 12, 2020