PHOTOS / ટ્રમ્પ જ્યાં ભાષણ આપશે તે મોટેરા સ્ટેડીયમ અંદરથી દેખાઈ છે આવું જબરજસ્ત, જુઓ તસવીરો

• મોટેરા સ્ટેડિયમનું થશે ઉદ્ઘાટન
• ટ્રમ્પ કાર્યક્રમમાં આપશે હાજરી
• વિશ્વનું સૌથી મોટું સ્ટેડિયમ બનીને તૈયાર

આવી છે સુરક્ષાની તૈયારીઓ

અમેરિકાના રાષ્ટ્રપતિ ડોનાલ્ડ ટ્રમ્પની મુલાકાતને લઇ મોટેરા સ્ટેડિયમમાં અદ્યતન સુરક્ષા વ્યવસ્થા ગોઠવાશે. ટ્રમ્પના કાર્યક્રમ માટે 15 હજાર પોલીસ ફોર્સ તૈનાત રખાશે. જેમાં 21 IPS અધિકારીઓ ખડેપગે રહેશે. તો 500 પોલીસ અધિકારીઓ અને અમદાવાદની 5000 પોલીસ ટ્રમ્પની સુરક્ષામાં તૈનાત રહેશે. અમદાવાદ બહારથી પણ 10 હજાર પોલીસ જવાનો બોલાવાશે. તેમની સાથે કેન્દ્રીય સુરક્ષા ટીમ પણ ટ્રમ્પની સુરક્ષામા લાગેલી રહેશે. અમેરીકાની સુરક્ષા એજન્સી પણ અમદાવાદ આવશે. તો તમામ રોડને CCTV કેમેરાથી સજ્જ કરાશે. પાસ વગર કોઈપણ વ્યક્તિને સ્ટેડિયમમાં પ્રવેશ મળશે નહીં. 25 ફેબ્રુઆરીએ ડોનાલ્ડ ટ્રમ્પ સીધા અમદાવાદ આવી શકે છે.

રસ્તાઓને લઈને કરાઈ છે આવી તૈયારીઓ

મોટેરા સ્ટેડિયમના ઉદ્ધાટનને લઈને ખાસ કામગીરી તંત્ર દ્વારા હાથ ધરવામાં આવી રહી છે. જેમાં મોટેરા, ચાંદખેડા વિસ્તારમાં સ્ટેડિયમ તરફ જતા તમામ દબાણ દૂર કરવામાં આવ્યા છે. સાથે જ રોડને રિપેરીંગ કરવાની કામગીરી પણ ચાલી રહી છે. રસ્તા પહોળા કરીને રેલિંગ કરવામાં આવી રહી છે.