ડોનાલ્ડ ટ્રમ્પે મસ્કને ટ્વિટરના દાવા પર ધ્યાન ન આપવાની સલાહ આપતા ટ્વિટરને નકામી કંપની ગણાવી હતી. ટ્રમ્પે કહ્યું કે મસ્કે હવે ટ્વિટરની આ માથાકુટમાંથી બહાર આવવું જોઈએ.
એલન મસ્ક અને ડોનાલ્ડ ટ્રમ્પ વચ્ચે શાબ્દિકયુદ્ધ
મસ્કે ટ્રમ્પને રિટાયર થવાની સલાહ આપી
ટ્રમ્પે ટ્વિટરને નકામી કંપની ગણાવી
પોતાના નિવેદનોને કારણે અવાર નવાર ચર્ચામાં રહેતા અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ ફરી એકવાર ચર્ચામાં છે. આ વખતે તે દુનિયાના સૌથી અમીર વ્યક્તિ એલન મસ્ક પર આપેલા એક નિવેદનને લઈને ચર્ચામાં છે. ટ્રમ્પના એક નિવેદન બાદ બંને વચ્ચે વાકયુદ્ધ પણ ઉગ્ર બન્યું છે. આ બંને લોકો વચ્ચે વાકયુદ્ધ થઈ રહ્યું છે અને સોશિયલ મીડિયા પર જોક્સ પણ બની રહ્યા છે.
ટ્રમ્પને રિટાયર થવાની સલાહ આપી
હકીકતમાં ટેસ્લાના સીઈઓ એલન મસ્કે ટ્રમ્પને રિટાયર થવાની સલાહ આપી હતી. જે બાદ હવે અમેરિકાના પૂર્વ રાષ્ટ્રપતિએ કહ્યું છે કે જ્યારે તેઓ રાષ્ટ્રપતિ હતા ત્યારે એક સમય એવો પણ હતો કે જ્યારે તેઓ ઘૂંટણ પર બેસીને ભીખ માંગવાનું કહી શકતા હતા. ટ્રમ્પે કહ્યું કે જો તેમણે આવું કર્યું હોત તો દુનિયાના સૌથી અમીર વ્યક્તિએ આવું કર્યું હોત. તે જ સમયે, ટ્વિટર પર શેર કરેલી ટ્રમ્પની પોસ્ટના સ્ક્રીનશોટ પર, એલન મસ્કે ગ્રેન્દ્પા સિમ્પસનનું ગિફ લગાવીને જવાબ આપ્યો છે.
મસ્ક સબસિડી માટે આવ્યો હતો
અમેરિકન સોશિયલ મીડિયા પ્લેટફોર્મ ટ્રુથ સોશિયલ પર ટ્રમ્પે મસ્ક પર કટાક્ષ કરતા કહ્યું હતું કે, "જ્યારે હું પ્રેસિડેન્ટ હતો ત્યારે એલન મસ્ક વ્હાઇટ હાઉસ આવ્યા હતા અને તેમના સબ્સિડાઇઝ્ડ પ્રોજેક્ટમાં મારી મદદ માંગી હતી. તેના ઘણા પ્રોજેક્ટ અટવાયા હતા. તેને તેની ઇલેક્ટ્રિક કાર માટે મદદની જરૂર હતી જે લાંબુ અંતર કાપી શકતી ન હતી. તેની ડ્રાઇવરલેસ કાર ક્રેશ થઈ ગઈ અને જે રોકેટશીપ માટે સબસિડીની જરૂર હતી તે ત્યાં હતું જ નહી. મસ્કે મને કહ્યું હતું કે તે એક મારો મોટો ચાહક છે અને રીબ્લીકન છે. જો હું તે સમયે મસ્કને તેના ઘૂંટણ પર બેસીને ભીખ માંગવાનું કહું હોત, તો એલન મસ્ક આવું કરેત. ટ્રમ્પના આ નિવેદન બાદ સોશિયલ મીડિયામાં હલચલ મચી ગઇ હતી.
ટ્વિટરને નક્કામી કંપની કહી
એક રિપોર્ટ અનુસાર ટ્રમ્પે મસ્કને ટ્વિટરના દાવા પર ધ્યાન ન આપવાની સલાહ આપતા ટ્વિટરને નકામી કંપની ગણાવી હતી. ટ્રમ્પે કહ્યું કે મસ્કે હવે ટ્વિટરની આ ગડબડીમાંથી બહાર આવી જવું જોઈએ. મસ્ક એવી વસ્તુ માટે 44 અબજ ડોલર કર્જ લઈ રહ્યો છે જે કદાચ કામની પણ ન હોય. ડોનાલ્ડ ટ્રમ્પની આ પોસ્ટનો સ્ક્રીનશોટ એક ટ્વિટર યુઝરે એલન મસ્કને ટેગ કરીને શેર કર્યો હતો. તેના પર મસ્કે લેમાઉ લખીને એક ઇમોજી શેર કરી હતી.
અહીંથી ચાલુ થયું શબ્દયુદ્ધ
ટ્રમ્પ અને મસ્ક વચ્ચે ચાલી રહેલો વિવાદ શરુ થયાને હજુ થોડો સમય જ થયો છે. થોડા દિવસ પહેલા ડોનાલ્ડ ટ્રમ્પે દાવો કર્યો હતો કે ચૂંટણીમાં એલન મસ્કે પોતાની તરફેણમાં મતદાન કર્યું હતું. પરંતુ એલોન મસ્કે બાદમાં આ વાતને નકારી કાઢી હતી અને કહ્યું હતું કે આ વાત સાચી નથી. સોમવારે એલોન મસ્કે ડોનાલ્ડ ટ્રમ્પ માટે કહ્યું હતું કે, હવે સમય આવી ગયો છે કે, તેઓ નિવૃત્ત થઇ જાય. ટ્રમ્પને જવાબ આપતા, મસ્કે એક વાક્યનો ઉપયોગ કર્યો, " હેંગ અપ હીસ હેટ એન્ડ સેલ ઇનટુ ધ સનસેટ." "એનો અર્થ એ થયો કે તેમણે કશું પણ કરવાને બદલે નિવૃત્ત થવું જોઈએ. મસ્કે એક ટ્વિટમાં કહ્યું હતું કે તેઓ ટ્રમ્પને નફરત નથી કરતા, પરંતુ હવે સમય આવી ગયો છે કે તેઓ નિવૃત્ત થઈ જાય.
I don’t hate the man, but it’s time for Trump to hang up his hat & sail into the sunset.
Dems should also call off the attack – don’t make it so that Trump’s only way to survive is to regain the Presidency.
ટ્રુથ એપ એ ટ્વિટર કરતા સારું
આ પછી બંને વચ્ચે વાકયુદ્ધ વધુ ઉગ્ર બન્યું હતું. તમને જણાવી દઈએ કે ટ્વિટર ડીલ દરમિયાન અનુમાન લગાવવામાં આવી રહ્યું હતું કે જો આ ડીલ સફળ થશે તો ટ્રમ્પનું સસ્પેન્ડેડ ટ્વિટર એકાઉન્ટ ફરીથી શરૂ થઈ શકે છે. આ સમાચાર બાદ ટ્રમ્પે ફરીથી ટ્વિટર પર પાછા ફરવાનો ઇનકાર કરતા કહ્યું કે તેમનું સોશિયલ મીડિયા પ્લેટફોર્મ ટ્રુથ એ ટ્વિટર કરતા સારું છે.