અમેરિકી રાષ્ટ્રપ્રમુખ ડોનાલ્ડ ટ્રમ્પના સ્વાગત માટે ભારતમાં તૈયારીઓ ચાલી રહી છે. અમદાવાદને પૂર્ણ રીતે શણગારવામાં આવ્યું છે પરંતુ આ દરમિયાન કોંગ્રેસે પીએમ નરેન્દ્ર મોદી પર નિશાન સાધ્યું છે. કોંગ્રેસે ટ્વિટર પર લખ્યું છે કે આટલો ખર્ચ થયા બાદ પણ ડોનાલ્ડ ટ્રમ્પે ભારતની સાથે તાત્કાલિક ટ્રેડ ડીલ કરવાથી ઇનકાર કરી દીધો છે.
ડોનાલ્ડ ટ્રમ્પના સ્વાગત માટે ભારતમાં તડામાર તૈયારીઓ
અમદાવાદને પૂર્ણ રીતે શણગારવામાં આવ્યું છે
ટ્રમ્પે નિવેદનમાં કહ્યું હતું, ભારતે અમેરિકા સાથે સારો વ્યવહાર નથી કર્યો
બુધવારે કોંગ્રેસે એક ટ્વિટમાં લખ્યું, એવુ લાગે છે કે રાષ્ટ્રપ્રમુખ ડોનાલ્ડ ટ્રમ્પ ભારત દ્વારા કરવામાં આવી રહેલા સ્વાગતથી ખુશ નથી. તેઓે એટલા નારાજ છે કે તેઓએ ભારત સાથે થનારી ટ્રેડ ડીલને રોકી દેવામાં આવી છે. એવુ લાગે છે કે મોદી જીને ટ્રમ્પની ગુડ બુક્સમાં આવવા માટે PR એક્સરસાઇઝ પર ધ્યાન આપવું પડશે.
કોંગ્રેસે તેના સાથે જે તસવીર શૅર કરી છે, તેમા દાવો કરાયો છે કે આ સ્વાગત માટે 100 કરોડ રૂપિયા ખર્ચ કરાયો તથા 45 પરિવારોને ત્યાંથી હટાવી દેવામાં આવ્યા.
It appears that Pres. Trump is not happy with the treatment he has been receiving from India. So much so that he has put a major trade deal on hold for an indefinite period.
Looks like Modi ji is going to have to up-the-ante on the PR exercises to get back into his good books. pic.twitter.com/aEaMMybmQg
બુધવારે ડોનાલ્ડ ટ્રમ્પે અમેરિકામાં ભારત પ્રવાસને લઇને નિવેદન આપ્યું હતું. ડોનાલ્ડ ટ્રમ્પે નિવેદનમાં કહ્યું હતું કે ભારતે અમેરિકા સાથે સારો વ્યવહાર નથી કર્યો. જોકે પીએમ નરેન્દ્ર મોદીએ તેમના મિત્ર છે. ભારતની સાથે થનારી ટ્રેડ ડીલ પર કહ્યું કે હાલ તેઓ ટ્રેડ ડીલ નહીં કરે પરંતુ ચૂંટણીની આસપાસ આ ડીલ થઇ શકે છે.
અમેરિકી રાષ્ટ્રપતિએ કહ્યું કે ભારત પહોંચવા પર તેમનું 70 લાખ લોકો એરપોર્ટ પર સ્વાગત કરશે. જેના માટે તે ઘણો ઉત્સાહિત છે.
અમદાવાદમાં હશે ભવ્ય સ્વાગત
ડોનાલ્ડ ટ્રમ્પ આવનારા સપ્તાહે સોમવારે અમદાવાદ પહોંચશે, જ્યા એરપોર્ટથી લઇને સાબરમતી આશ્રમ સુધી રોડ શો કરશે. આ રોડ શો માટે એરપોર્ટના રસ્તે દીવાલ બનાવવામાં આવી છે, જેના દ્વારા ત્યાં બનેલી ઝૂંપડપટ્ટીઓને છુપાવવામાં આવી છે. આટલું જ નહીં લગભગ 45 ઝૂપડપટ્ટીના રહેવાસીઓને વિસ્તાર ખાલી કરવાની નોટિસ પણ આપવામાં આવી છે.