કોરોના વાયરસને લઈને ચીન અને અમેરિકાના સંબંધોમાં ખટાશ વધતી જઈ રહી છે. અમેરિકીએ ચીન સામે વધુ એક કઠોર પગલું ભર્યુ છે. ટ્ર્મ્પ પ્રશાસને ચીનથી આવાનારી તમામ ફ્લાઈટ્સ પર પ્રતિબંધ લાદી દીધો છે. આ પ્રતિબંધ 16 જૂનથી લાગુ થશે.
અમેરિકા-ચીનના સંબંધોમાં ખટરાગ વધ્યો
16 જૂનથી ચીનથી આવતી ફ્લાઇટ પર પ્રતિબંધ
ચીન સામે કડક કાર્યવાહીની તૈયારીમાં અમેરિકા
અમેરિકાના ટ્રાન્સપોર્ટ ડિપાર્ટમેન્ટે બુધવારે ચાઈનીઝ ઍરલાઈન્સ પર પ્રતિબંધની જાહેરાત કરી હતી. આ નિર્ણય બાદ ચીનની ફ્લાઈટ્સ અમેરિકામાં પ્રવેશ નહીં કરી શકે. અમેરિકા તરફથી આ નિર્ણય ત્યારે કરવામાં આવ્યો છે જ્યારે દુનિયાની સૌથી મોટી બે અર્થવ્યવસ્થાની વચ્ચે ફ્લાઈટ્સને લઈને સમજૂતીઓનું પાલન કરવામાં ચીન નાકામ રહ્યું. અમેરિકામાં કોરોનાથી મચેલી તબાહી બાદ બંને દેશો વચ્ચે ખટરાગ શરૂ થયો છે.
Today the U.S. Department of Transportation issued an order suspending the scheduled passenger flights of Chinese carriers to and from the United States, effective by June 16, 2020. https://t.co/qP7BRGyZ6W
ચીનની ફ્લાઈટ્સ પર આ પ્રતિબંધ 16 જૂનથી શરૂ થશે. જેથી ત્યાર બાદ બંને દેશો તરફથી કોઈ પણ હવાઈયાત્રા નહીં થઈ શકે. ચીને આ સપ્તાહે ડેલ્ટા ઍરલાઈન્સ અને યુનાઈટેડ ઍરલાઈન્સે આ મહિને શરૂ કરવાનું કહ્યું હતું પરંતુ તેને અનુમતિ આપી ન હતી. ત્યાર બાદ અમેરિકાએ પણ સામે હવે કડક નિર્ણય લીધો હતો. કોરોના વાયરસને કારણે આ વિમાની સેવાઓને સ્થગિત કરી દેવાઈ હતી કારણ કે વુહાન પ્રાંતથી ઑપરેટ થતી હતી. અમેરિકાએ કહ્યું ચીને બંને દેશો વચ્ચેની સમજૂતીનું ઉલ્લંઘન કર્યુ છે.
અમેરિકાના પરિવહન વિભાગ અનુસાર તેઓ ચીન સાથે આ મુદ્દે વાત ચાલુ રખાશે જેથી દ્વિપક્ષીય અધિકારોને પૂર્ણ કરી શકાય. આ દરમ્યાન અમે ચીની વિમાનને એટલાં જ યાત્રીઓ સાથે ઉડાન ભરવા દઈશું જેટલા અમારા નાગરિકો ચીન જઈ શકશે.
અમેરિકાએ ગત સપ્તાહ બીજિંગ પર અમેરિકી ઍરલાઈન્સ માટે ચીનની ફ્લાઈટ્સ શરૂ કરવાને અસંભવ બનાવવાનો આરોપ લગાવ્યો હતો. અમેરિકા પરિવહન વિભાગે સરકારી વેબસાઈટ પર પ્રકાશિત એક આદેશમાં કહ્યું હતું કે ડેલ્ટા ઍરલાઈન્સ અને યુનાઈટેડ ઍરલાઈન્સ જૂનમાં ચીન માટે ફરીથી શરૂ કરાવવા માંગતા હતા.