અમેરિકા અને ઇરાન વચ્ચેના તણાવ વધતો જોવા મળી રહ્યો છે. બંને દેશ વચ્ચે યુદ્ધના ભણકારા વાગી રહ્યાં છે. ત્યારે આ વચ્ચે અમેરિકાએ ઇરાન પર વધુ એક કાર્યવાહી કરી છે. જેમાં અમેરિકાની ટ્રમ્પ સરકારે શુક્રવારે ઇરાન પર વધુ નવા પ્રતિબંધો લગાવ્યાં છે.
મિસાઇલ હુમલા બાદ અમેરિકાની ઇરાન પર વધુ એક કાર્યવાહી
અમેરિકાએ મિસાઇલ હુમલા બાદ ઇરાન પર લગાવ્યાં નવા પ્રતિબંધ
અમેરિકા અને ઇરાન વચ્ચે વધી શકે છે તણાવ
એવું માનવામાં આવી રહ્યું છે કે આ પ્રતિબંધો ઇરાકમાં અમેરિકાના સૈનિકાના કેમ્પ પર ઇરાન દ્વારા કરવામાં આવેલ મિસાઇલ હુમલાના કારણે લગાવામાં આવ્યાં છે.
વિદેશ મંત્રી અને નાણા મંત્રીએ પ્રતિબંધોની જાહેરાત કરી
અમેરિકાના વિદેશ મંત્રી માઇક પોમ્પિઓ અને નાણા મંત્રી સ્ટીવન મ્યુચિન દ્વારા નવા પ્રતિબંધ અંગે જાણકારી આપવામાં આવી. નવા પ્રતિબંધ હેઠળ મધ્ય પૂર્વમાં અસ્થિરતા વધારવાની પ્રવૃત્તિઓની સાથે મંગળવારની મિસાઇલ હુમલામાં સામેલ આઠ વરિષ્ઠ ઇરાની અધિકારીઓને લક્ષ્ય બનાવશે.
ઇરાનના કેટલાક સેકટર પર અસર કરશે પ્રતિબંધ
મ્યુચિનના જણાવ્યાં અનુસાર રાષ્ટ્રપતિ ડોનાલ્ડ ટ્રમ્પે ઇરાનના કપડા, નિર્માણ, વિનિર્માણ અથવા ખનન આદિ વેપારને લઇને પ્રતિબંધ લગાવવા માટે આદેશ આપ્યો છે. ટ્રમ્પ દ્વારા સ્ટીલ અને લોખંડના ક્ષેત્રો સામે પણ અલગ પ્રતિબંધો લાદવામાં આવશે.
ઇરાનને કરવો પડી રહ્યો છે આર્થિક મુસિબતોનો સામનો
અમેરિકાના બંને મંત્રીઓના જણાવ્યા અનુસાર આ કાર્યના પરિણામ સ્વરૂપ અમે ઇરાન સરકાકરને મળનારા અરબ ડોલરના સહયોગ પર કાપ મુકીશું.
અમેરિકાના હુમલામાં ઇરાનના કમાન્ડર કાસિમ સુલેમાનીના મોત બાદ બંને દેશ વચ્ચે તણાવ જારી છે. આ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો છે કે સુલેમાની 4 દૂતાવાસોને નિશાન બનાવવા જઇ રહ્યો હતો.