તિહાર જેલમાં બંધ અંડરવર્લ્ડ ડોન છોટા રાજનની જિંદગી ખતરામાં હોઈ શકે છે. છોટા રાજનના નાક અને મોમાંથી બ્લડ નીકળી રહ્યું હોવાની માહિતી મળી રહી છે. રાજનની આ સમસ્યાથી જેલ તંત્ર ચિંતામાં છે. જેલ તંત્ર તેને સાજો કરવા માટે મથામણ કરી રહ્યું છે. રાજનને કેમ આ સમસ્યા થઈ રહી છે. સાથે સાથે રાજનને બીજી કઈ સમસ્યાઓ છે.
દિલ્હીની તિહાર જેલમાં છોટા રાજનના જીવ પર જોખમ
જેલમાં છોટા રાજનની સુરક્ષામાં કરાયો વધારો
મોઢા અને નાકમાંથી લોહી નિકળતા લેવાયો નિર્ણય
છોટા રાજનના નાક અને મોમાંથી બ્લડ નીકળી રહ્યું છે
તિહાર જેલમાં બંધ અંડરવર્લ્ડ ડોન છોટા રાજનની જિંદગી ખતરામાં હોઈ શકે છે. છોટા રાજનના નાક અને મોમાંથી બ્લડ નીકળી રહ્યું હોવાની માહિતી મળી રહી છે. જોકે આમ થવા પાછળનું કારણ જાણી શકાયું નથી. ડોક્ટરોને જાણ કરી તેની સારવાર પણ ચાલુ કરાઈ છે. છોટા રાજનના ભોજનની પણ તપાસ કરવામાં આવે છે
આ મામલે ડોક્ટરોએ તપાસ શરૂ કરી છે
બીજી તરફ સૂત્રોના જણાવ્યા પ્રમાણે છોટા રાજન સાથે આવું અનેકવાર થઈ ચૂક્યું છે. જેલ સૂત્રોનું કહેવું છે કે ગત વર્ષે પણ તેને બે વખત આ પ્રકારની જ સમસ્યા થઈ હતી. ત્યાર બાદ ડિસેમ્બર અને જાન્યુઆરીમાં આવું થયું હતું. આ મામલે ડોક્ટરોએ તપાસ શરૂ કરી છે. જોકે તપાસમાં શું સામે આવ્યું તે મામલે હજુ કોઈ જાણકારી મળી શકી નથી.
છોટા રાજનની સુરક્ષામાં પણ વધારો કરી દેવામાં આવ્યો છે
છોટા રાજનને છેલ્લા પાંચ છ મહિનાથી સતત ખાંસી શરદીની પણ સમસ્યા છે. જેના કારણે તે ન તો સરખી રીતે જમી રહ્યો છે કે ન તો સુઈ રહ્યો છે. સુતા પહેલા દરરોજ રાતે તે કફ સિરપ પીવે છે. કેટલીક બિમારીની ગોળી પણ તેને દરરોજ આપવામાં આવે છે. જમવાનું પચાવવામાં પણ તેને સમસ્યા થઈ રહી છે. ડાયાબિટીસ અને હાઈપર ટેન્શનની સમસ્યા પણ વધી રહી છે. ડી-કંપની દ્વારા જેલમાં જ તેની હત્યા કરવાના ઈનપુટ બાદ છોટા રાજનની સુરક્ષામાં પણ વધારો કરી દેવામાં આવ્યો છે.