ક્રિકેટ / T20 વર્લ્ડ કપ પર આવ્યું મોટું સંકટ, આ દેશે મેજબાનીમાંથી હાથ ખંખેર્યાં, શું આપ્યું કારણ

• જુન 2024માં અમેરિકા અને વેસ્ટ ઈન્ડીઝમાં ટી 20 વર્લ્ડ કપ 
• ડોમિનિકા દેશે મેજબાનીમાંથી હાથ ખંખેર્યાં
• કહ્યું, અમારા મેદાન બનતાં વાર લાગશે 

જુન 2024માં અમેરિકા અને વેસ્ટ ઈન્ડીઝમાં ટી 20 વર્લ્ડ કપ યોજાવાનો છે. 7 કેરેબિયન દેશોએ વર્લ્ડ કપની મેજબાની લીધી છે જેમાંથી એકે હવે મેજબાનીમાંથી હાથ ખંખેર્યાં છે. ડોમિનિકા નામના દેશની સરકારે કહ્યું કે 2024 સુધીમાં અમારા મેદાનનું કામ પૂરુ થઈ શકે તેવું નથી તેથી અમે વર્લ્ડ કપ ગોઠવી શકીએ તેવી સ્થિતિમાં નથી. 

The Commonwealth of Dominica has advised that they are no longer able to host matches in the ICC Men’s T20 World Cup 2024.

Read More⬇️ https://t.co/b3XTk3inoJ

— Windies Cricket (@windiescricket) November 30, 2023

ડોમિનિકાએ શું કારણ આપ્યું 
ટી-20 વર્લ્ડ કપની યજમાની માટે પસંદ કરવામાં આવેલા સાત કેરેબિયન દેશોમાં ડોમિનિકા પણ સામેલ છે, જે ટી-7 વર્લ્ડ કપની યજમાની માટે હતો. પરંતુ હવે ડોમિનિકાએ ટી-20 વર્લ્ડ કપ 20 દરમિયાન કોઈ પણ મેચ હોસ્ટ કરવાનો ઈનકાર કરી દીધો છે. તેનું એક મોટું કારણ સામે આવ્યું છે. ડોમિનિકાની સરકારે ટી-20 વર્લ્ડ કપ 2024ની શરૂઆત પહેલા મેદાનો પર નિર્માણ કાર્યના અભાવે આ નિર્ણય લીધો છે. ડોમિનિકાની સરકારે ટી-20 વર્લ્ડ કપ 2024 દરમિયાન એક ગ્રુપ મેચ અને બે સુપર 8 મેચની યજમાની માટે વિન્ડસર પાર્ક સ્ટેડિયમને શોર્ટલિસ્ટ કર્યું હતુ. આ કારણે સ્ટેડિયમનું રિનોવેશન કરવું પડ્યું હતું. પરંતુ ડોમિનિકા સરકારના જણાવ્યા અનુસાર અમને કોન્ટ્રાક્ટરો પાસેથી જે ડેડલાઈન મળી છે. તે સ્ટેડિયમનું નિર્માણ કાર્ય સમયસર પૂર્ણ કરી શકશે નહીં. એટલા માટે અમે ટી-20 વર્લ્ડ કપમાં મેચોની યજમાનીમાંથી ખસી રહ્યા છીએ. અમે ક્રિકેટ વેસ્ટ ઇન્ડીઝનો આભાર માનીએ છીએ અને ટી -20 વર્લ્ડ કપ 2024 ના સફળ સંચાલન માટે તેમને શુભેચ્છા પાઠવીએ છીએ.

આઈસીસી બીજી વ્યવસ્થા કરશે 
ક્રિકેટ વેસ્ટ ઈન્ડિઝે ડોમિનિકાના આ નિર્ણયને સ્વીકારી લીધો છે અને આઈસીસીને તેની જાણકારી આપી દીધી છે. 2024ના ટી-20 વર્લ્ડ કપના ટુર્નામેન્ટ ડાયરેક્ટર ફ્વાઝ બક્ષે કહ્યું કે, આ સ્કેલની ટુર્નામેન્ટની યજમાની કરતી વખતે આવી પરિસ્થિતિ સર્જાઈ શકે છે. અમારી પાસે એક યોજના છે અને અમે તેનો અમલ કરવાનો પ્રયાસ કરીશું.

20 ટીમો ક્વોલિફાય થઈ
ટી-20 વર્લ્ડ કપ 2024માં ભાગ લેવા માટે 20 ટીમો ક્વોલિફાય થઈ છે. આ 20 ટીમોને પાંચ-પાંચના ચાર ગ્રુપમાં વહેંચવામાં આવશે, જેમાં પ્રત્યેક ગ્રુપમાંથી ટોપ-2 ટીમો સુપર-8 માટે ક્વોલિફાય થશે. આ પછી આ આઠ ટીમોને પણ ચાર-ચારના બે ગ્રુપમાં વહેંચવામાં આવશે. આ પછી બંને ગ્રુપમાંથી પ્રથમ બે સ્થાન પર રહેનારી ટીમો સેમિ ફાઈનલમાં પ્રવેશ મેળવશે. 20 ટીમોમાં ભારત, ઓસ્ટ્રેલિયા, નેધરલેન્ડ, પાકિસ્તાન, દક્ષિણ આફ્રિકા, શ્રીલંકા, ઈંગ્લેન્ડ, ન્યૂઝીલેન્ડ, બાંગ્લાદેશ, અફઘાનિસ્તાન, કેનેડા, નેપાળ, ઓમાન, પાપુઆ ન્યુ ગિની, સ્કોટલેન્ડ, આયર્લેન્ડ, નામિબિયા, વેસ્ટ ઈન્ડિઝ, અમેરિકા અને યુગાન્ડા સામેલ છે.