IPLIN
 

Coronavirus / લૉકડાઉન : હવે ઘરમાં પણ મુશ્કેલી, લગ્નભંગાણના કિસ્સા વધ્યા તો અમુક તો વિચિત્ર બાબતો આવી સામે

Team VTV 04:32 PM, 14 Apr 20 | Updated: 04:36 PM, 14 Apr 20
Follow us
domestic violence lockdown gujarat coronavirus

કોરોના વાયરસને લઇને લોકડાઉન લંબાવવાની જાહેરાત દેશના પ્રધાનમંત્રી નરેન્દ્ર મોદીએ આજે કરી છે તેથી હવે લોકડાઉન 3 મે સુધી વધારી દેવાયું છે.  પરંતુ તાજેતરમાં પ્રસિદ્ધ થયેલ અહેવાલ પ્રમાણે લોકડાઉનમાં ઘરેલું હિંસાના કેસો વધી રહ્યાં છે. 

  • કોરોના લોકડાઉનમાં લગ્નજીવનમાં ભંગાણ
  • લોકડાઉનમાં ઘરેલુ હિંસાના કેસોમાં વધારો
  • 23 માર્ચથી 10 એપ્રિલ સુધી કેસોમાં 10 થી 20 ટકાનો વધારો

ઉલ્લેખનીય છે કે, અહેવાલમાં સામે આવ્યું છે કે, 23 માર્ચથી 10 એપ્રિલ સુધી કેસોમાં 10 થી 20 ટકાનો વધારો થયો છે. જેમાં રસોઈ, મોબાઈલ, ચા અને ઘર કામકાજ ઘરેલુ હિંસાનું કારણ બન્યું છે. તો પતિ પત્નીને એકબીજા પર શંકા વધતા પણ અભયમમાં કોલ વધી રહ્યાં છે. 

લોકડાઉનમાં ઘરેલું હિંસાના 5 હજાર 394 કેસ નોંધાયા

ગુજરાતમાં લોકડાઉન દરમિયાન 5 હજાર 394 કેસ નોંધાયા છે. જેમાં 41.99 ટકા જેટલા કેસ ઘરેલું હિંસાના છે. અમદાવાદ 216, રાજકોટ 136, સુરત 77, અને વડોદરામાં 121 ઘરેલું હિંસાના કેસ નોંધાયા છે.

મહિલા આયોગે જાહેર કર્યો છે સંપર્ક નંબર 

રાષ્ટ્રીય મહિલા આયોગે એક વોટ્સ એપ નંબર જાહેર કર્યો છે, આ લોકડાઉન દરમિયાન ઘરેલુ હિંસાની ફરિયાદ દાખલ કરાવી શકાશે. આયેગે વધુમાં જણાવ્યું હતું કે, આ નિર્ણય એટલા માટે લેવાયો છે કે, અત્યાર સુધીમાં લોકડાઉન દરમિયાન આવી ઘટનાઓ દિવસેને દિવસે વધી રહી છે. લોકડાઉનના કારણે ઘરેલુ હિંસાની ફરિયાદ ન કરી શકનાર મહિલાઓ 7217735372 પર વોટ્સએપ મેસેજ કરી પોતાની ફરિયાદ કાખલ કરાવી શકશે.

વોટ્સએપ નંબર 7217735372 પર મેસેજ કરી જાણકારી આપી શકે મહિલા 

આયોગે ટ્વીટ કરીને લોકોને આવા કેસ મામલે વોટ્સએપ નંબર 7217735372 પર મેસેજ કરી જાણકારી આપવાનો આગ્રહ કર્યો છે. જેથી એજન્સી તે મહિલાઓની સહાયતા કરી શકે જે મહિલા ટેન્શનમાં હોય કે ઘરેલુ હિંસાનો ભોગ બની હોય. 

Domestic Violence lockdown gujarat Coronavirus લોકડાઉન કોરોના વાયરસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ