ઓઇલ માર્કેટિંગ કંપનીઓએ એલપીજી સિલિન્ડરના ભાવ જાહેર કર્યા છે અને સિલિન્ડર દીઠ 25 રૂપિયાનો વધારો કરવામાં આવ્યો. આ નવા દરો આજથી એટલે કે 4 ફેબ્રુઆરીથી અમલમાં આવ્યા છે
ફરી વધ્યા ગેસ સિલિન્ડરના ભાવ
સિલિન્ડર દીઠ 25 રૂપિયાનો વધારો કરવામાં આવ્યો છે
અગાઉ કોમર્શિયલ એલપીજી સિલિન્ડરમાં 190 રૂપિયાનો વધારો કરાયો હતો
હવે આટલાનો મળશે ગેસ સિલિન્ડર
ઘરેલું ગેસ (એલપીજી સિલિન્ડર)ના ભાવમાં 25 રૂપિયાનો વધારો થયા પછી દિલ્હીમાં એલપીજી સિલિન્ડરોની કિંમત વધીને 719 રૂપિયા થઈ ગઈ છે. આ નવા દરો આજથી એટલે કે 4 ફેબ્રુઆરીથી અમલમાં આવ્યા છે. તમને જણાવી દઇએ કે ડિસેમ્બરમાં આઇઓસીએ ઘરેલૂ એલપીજીની કિંમતમાં બે વાર વધારો કર્યો હતો. કંપનીએ 2 ડિસેમ્બરે 50 રૂપિયા વધાર્યા હતા, ત્યારબાદ 15 ડિસેમ્બરે ફરીથી 50 રૂપિયા વધારવામાં આવ્યા હતા.
તમે ઈચ્છો તો તમે તમારા શહેરમાં ગેસ સિલિન્ડરના રેટ મિનિટોમાં ચેક કરી શકો છો.
રસોઈ ગેસ સિલિન્ડરની કિંમત ચેક કરવા માટે તમારે સરકારી ઓઈલ કંપનીની વેબસાઇટ પર જવું પડશે. અહીં કંપનીઓ નવા દરો જારી કરે છે. તેની લિંક આ પ્રમાણે છે.https://iocl.com/Products/IndaneGas.aspx આ લિંક પર તમે તમારા શહેરનાં ગેસ સિલિન્ડરની કિંમત ચેક કરી શકો છો.