નિર્ણય / હવે ડૉમેસ્ટિક ફ્લાઈટમાં હાય-હેલો જેવો ઘોંઘાટ સાંભળવા મળે તો ચોંકતા નહીં, સરકારે આપી આ મંજૂરી

• હવે ડોમેસ્ટિક ફ્લાઈટમાં મળશે WI-FIનો લાભ 
• મોબાઇલ,લેપટોપ, સ્માર્ટફોનમાં ઇન્ટરનેટનો કરી શકાશે ઉપયોગ
• વિસ્તારા આ સેવા સાથે જોડાનારી પ્રથમ કંપની છે 

આ સેવા શરુ કરનાર વિસ્તારા પ્રથમ કંપની બનશે

ગત મહિને ટાટા ગ્રુપની નેલ્કો અને પેનાસોનિક એવિયોનિક્સ કોર્પોરેશનને ભારતીય વિમાન ક્ષેત્રે બ્રોડબેન્ડ સેવા આપવા માટે ભાગીદારીની જાહેરાત કરી હતી. ત્યારે જણાવાયું હતું કે વિસ્તારા એર લાઈન્સ સાથે આ સેવાની શરૂઆત કરવામાં આવશે.

ઈન્ટરનેટનો ઉપયોગ કરી વોટ્સએપ કોલિંગ કરી શકશે

આ પૂર્વે ડિસેમ્બરમાં સમાચાર આવ્યા હતા કે વિસ્તારામાં જાન્યુઆરીથી મુસાફરોને ઈન ફ્લાઈટ કનેક્ટિવીટી મળશે. નેલ્કો એક વીસેટ સેવા પ્રદાન કરતી કંપની છે. જેને સરકારથી વીસેટ લિંક મળી ગઈ છે. સરકારે વિસ્તારાને સ્પેક્ટ્રમ પણ આપ્યું છે. ડેટા મળવાથી તમામ પ્રવાસીઓ વોટ્સએપ જેવી એપ્લિકેશનનો ઉપયોગ તેમજ ફોન કરી શકશે.

મોબાઇલ,લેપટોપ, સ્માર્ટફોનમાં ઇન્ટરનેટનો કરી શકાશે ઉપયોગ

સરકારે એરલાઈન્સને WI-FIની મંજૂરી આપતા ફ્લાઈટમાં WI-FI કનેક્ટિવિટીથી મુસાફરોને ફાયદો થશે. જેથી મુસાફરો મોબાઇલ,લેપટોપ, સ્માર્ટફોનમાં ઇન્ટરનેટનો ઉપયોગ કરી શકાશે.  ભારતીય દૂરસંચાર નિયામકે વર્ષ 2018માં ભલામણ કરી હતી.  MCAને ઈન ફ્લાઇટ કનેક્ટિવિટીના રૂપમાં પરવાનગી આપવી જોઇએ. વિસ્તારા આ સેવા સાથે જોડાનારી પ્રથમ કંપની છે.