શ્રીનાથજી દાદાના 396 માં શ્રાદ્ધ ઉત્સવ નિમિત્તે જામનગરના દાણીધાર ગામે યોજાયેલા લોકડાયરામાં કલાકારો પર ડોલર ઉડતા વીડિયો વાયરલ થયો છે.
જામનગરના દાણીધાર ગામે યોજાયો લોકડાયરો
લોકડાયરા રાજભા ગઢવી અને જીગ્નેશ બરોટ પર નોટોનો વરસાદ
દાણીધાર ગામે શ્રીનાથજી દાદાની જગ્યાએ યોજાયો હતો કાર્યક્રમ
જામનગર જિલ્લાના કાલાવડ તાલુકાના દાણીધાર ગામે લોકડાયરાનું આયોજન કરવામાં આવ્યું હતું. શ્રીનાથજી દાદાની જગ્યાના આંગણે શ્રીનાથજી દાદાના 396 માં શ્રાદ્ધ ઉત્સવ નિમિત્તે આ ધાર્મિક કાર્યક્રમ યોજાયો હતો.જેમાં રાત્રિના સમયે લોકડાયરામાં રાજભા ગઢવી અને જીગ્નેશ બારોટે ધૂન, ભજન અને સાહિત્યની સમઝટ બોલાવી હતી. આ દરમિયાન તેમના પર ડૉલરનો વરસાદ થયો હતો.
લોકડાયરામાં રૂપિયાની સાથે થયો ડૉલરનો વરસાદ
ગુજરાતમાં લોકડાયરાનું આયોજન હોય એટલે રૂપિયાનો વરસાદ થાયએ આમ વાત છે પરતું કાલાવડ તાલુકાના દાણીધાર ગામે યોજાયેલા લોકડાયરામાં ડોલર ઉડતા નવાઇ જન્મી છે. ડાયરામાં ડોલર અને રૂપિયાનો વરસાદ થતા ડાયરો ચર્ચામાં આવ્યો છે. વધુમાં ડોલરની નોટો ઉડવા અંગેનો વીડિયો પણ સોશિયલ મીડિયામાં ધૂમ વાયરલ થયો છે.