દિલ્હીમાં પોલીસે ચાર એવી મહિલાઓની ધરપકડ કરી જે સાર્વજનિક સ્થાનો પર ઊભી રહી લોકોને આપત્તિજનક ઇશારા કરતી હતી. પોલીસે આ કાર્યવાહી આસપાસ રહેતા લોકોની ફરિયાદ પર કરી હતી. પોલીસને શંકા છે કે આ મહિલાઓ દેહ વ્યાપારથી જોડાયેલી હોઈ શકે છે.
આ સમગ્ર મામલો દિલ્હીના રોહિણી વિસ્તારનો છે. ગત સોમવારે પોલીસને એક ફોન આવ્યો હતો. જેમાં કહેવાયું હતું કે કેટલાક લોકો આ વિસ્તારમાં એક સેક્સ રેકેટનું સંચાલન કરે છે. જેથી ત્યાંના રહેવાસીઓને તકલીફ પડે છે.
પોલીસને જાણકારી આપવામાં આવી હતી કે કેટલીક મહિલાઓ આ વિસ્તારમાં ઊભી રહીને આવતા-જતા લોકોને આપત્તિજનક ઇશારા કરે છે. પુરૂષોને અશ્લીલ ઇશારા કરી રિજવવાના પ્રયત્નો કરે છે. ત્યારબાદ પોલીસે તે વિસ્તારમાં રેડ કરી ચાર મહિલાઓની ધરપકડ કરી છે.
એક વરિષ્ઠ પોલીસ અધિકારીએ જણાવ્યું હતું કે આ કેસમાં હજુ સુધી સેક્સ રેકેટનો કોઇ ખુલાસો થયો નથી પરંતુ જાહેર સ્થળ પર અશ્લીલ હરકતો કરવા પર આ મહિલાઓ વિરુદ્ધ ગુનો દાખલ કરવામાં આવ્યો છે.