ક્રોએશિયાના બર્ફીલા પર્વતોમાં એક શ્વાને પોતાના માલિકનો જીવ બચાવીને પોતાની વફાદારીનો પરિચય આપ્યો છે.
બર્ફીલા પર્વતોમાં શ્વાને પોતાના માલિકનો જીવ બચાવ્યો
માઉન્ટેન રેન્જ પર હાઈકિંગ દરમ્યાન બ્રિકિક થયો ઈજાગ્રસ્ત
બ્રિકિકને ઠંડીથી બચાવવા માટે શ્વાન બ્રિકિક પર બેસી ગયો
શ્વાને માલિકનો જીવ બચાવ્યો
ખરેખર, ગ્રગા બ્રિકિક નામનો પર્વતારોહક પોતાના બે મિત્રો અને એક શ્વાનની સાથે ક્રોએશિયાના વેલેબિટ માઉન્ટેન રેન્જ પર હાઈકિંગ માટે નિકળ્યો હતો. પરંતુ હાઈકિંગ દરમ્યાન બ્રિકિક ઈજાગ્રસ્ત થયો હતો. જેના કારણ તે હલી શકતો નથી. મીડિયા રિપોર્ટસ મુજબ, તેના બંને મિત્રો પણ તેનાથી વિખૂટા પડી ગયા હતા. તેમણે બ્રિકિકને શોધવાના પ્રયાસ પણ કર્યા. પરંતુ તેઓ ત્યાં સુધી પહોંચવામાં નિષ્ફળ રહ્યાં. તેથી તેમણે મદદ માટે ક્રોએશિયાના માઉન્ટે રેસ્ક્યુ સર્વિસ સાથે સંપર્ક કર્યો. જ્યારે રેસ્ક્યુવાળા બ્રિકિકને શોધતા તેની પાસે પહોંચ્યા તો ત્યાંનો માહોલ જોઈને તેઓ અચંબિત થઇ ગયા.
શ્વાન 13 કલાક સુધી પોતાના માલિક પર બેઠો
તેમણે જોયુ કે બ્રેકિકનો શ્વાન તેની ઉપર બેઠો હતો. શ્વાને આવુ એટલા માટે કર્યુ કારણકે તેના માલિકને ઠંડી ના લાગે. રેસ્ક્યુ કરનારા લોકોએ બ્રિકિકને બચાવવાનો શ્રેય તેના શ્વાનને આપ્યો. જેના કારણે તેના માલિકનો જીવ બચ્યો. બ્રિકિકના શ્વાનનું નામ નોર્થ છે અને તે અલાસ્કા માલામ્યુટ નસ્લનો છે. નોર્થ આખા 13 કલાક સુધી પોતાના માલિકની ઉપર બેઠો.
માણસ અને શ્વાન વચ્ચે અદભૂત મિત્રતા
ક્રોએશિયાની માઉન્ટેન રેસ્ક્યુ સર્વિસે એક ફેસબુક પોસ્ટમાં કહ્યું, માણસ અને શ્વાનની વચ્ચે મિત્રતા અને પ્રેમની કોઈ મર્યાદા હોતી નથી. તેમણે બંનેની એક તસ્વીર પણ શેર કરી છે. જેમાં નોર્થ બ્રિકિકની પર બેઠેલો છે. તેમણે લખ્યું, બર્ફીલી ઠંડકમાં શ્વાને માલિકને ગરમી આપવા માટે માલિકને પોતાની આખી બોડી દ્વારા ઢાંકી દીધો છે.
Dog saves its owner's life by lying on him for 13 hours until he is rescued https://t.co/hIx7TKaktT