કોરોના વાયરસના કારણે ચીનની બહાર હવે બીજા ઘણા દેશોમાં મોતના આંકડાઓ ઝડપથી વધી રહ્યાં છે. ઇટાલીમાં કોરોનાનો આંકડો 100ની પાર પહોંચી ગયો છે. આ વચ્ચે હોંગકોંગમાં એક પાળતુ કુતરામાં કોરોનાના સંક્રમણ જોવા મળ્યું છે. એક મળતાં અહેવાલ મુજબ હોંગકોંગમાં 60 વર્ષની મહિલાના પાળતુ કુતરામાં કોરોનાની પુષ્ટિ કરવામાં આવી છે. આ કદાચ પહેલો મામલો હશે જ્યારે મનુષ્યની જગ્યાએ પ્રાણીમાં કોરોનાનું સંક્રમણ જોવા મળ્યું છે.
હોંગકોંગમાં પાલતુ શ્વાનને કોરોના વાયરસ
માણસથી જાનવરમાં કોરોના સંક્રમણનો પ્રથમ કેસ
કોરોના સંક્રમિત મહિલાના પાલતુ શ્વાનને કોરોના
હોંગકોંગમાં એક મહિલા કોરોના વાયરસથી પીડિત છે. શુક્રવારના રોજ તેમના કુતરામાં પણ કોરોનાની પુષ્ટિ કરવામાં આવી છે. જો કે આરોગ્ય વિભાગના અધિકારીઓએ તેમાં ઓછો પોઝિટિવ બતાવ્યું છે. જો કે હવે આ કુતરાનો ઇલાજ ત્યાંના પશુ કેન્દ્રમાં અલગ રાખી કરવામાં આવી રહ્યો છે.
ત્યાંના એગ્રીકલ્ચર ફિશરી કંઝર્વેશન ડિપાર્ટમેન્ટ (AFCD) એ જણાવ્યું, એક પામેરિયન કુતરાના કોરોનાને લઇને ઘણી વખત તપાસ કરવામાં આવી છે. જો કે તપાસમાં ઓછા લેવલના કોરોના સંક્રમણ પ્રાપ્ત થયા છે. વર્લ્ડ ઓર્ગેનાઇઝેશન ઑફ એનિમલ હેલ્થે સ્વીકાર્યું છે કે આ મનુષ્યમાંથી પસુમાં વાયરસ સ્થનાંતરણનો મામલો છે.
પામેરિયન કુતરાને અલગ રાખી ઇલાજ
હોંગકોંગમાં સામે આવેલા મામલા બાદ ત્યાંના કુતરાઓને અલગ રાખવામાં આવી રહ્યાં છે. બે કુતરાને અલગ રાખવામાં આવ્યાં છે. બીજો કુતરો એખ બીજા કોરોના સંક્રમણવાળું દર્દી છે. જો કે દર્દીની તપાસ નેગેટિવ આવી છે પરંતુ તેની બીજી વખત તપાસ કરવામાં આવશે. અધિકારીઓએ જણાવ્યું કે પામેરિયન કુતરાની સતત તપાસ કરવામાં આવશે અને જ્યારે તેની તપાસમાં નેગેટિવ આવશે ત્યારે જ તેના માલિકને સોંપવામાં આવશે. હોંગકોંગમાં કોરોના વાયરસથી અત્યાર સુધીમાં 104 લોકો સંક્રમિત થયેલા છે.
ઉલ્લેખનીય છે કે ચીનના વુહાનથી શરૂ થયેલા કોરોના (Covid-19) દુનિયાના 60થી વધારે દેશમાં કહેર જોવા મળી રહ્યો છે. દુનિયામાં અત્યાર સુધીમાં 3100 લોકોની કોરોના વાયરસના કારણે મોત થઇ છે. ભારતમાં કોરોના વાયરસના 26 કેસ પોઝિટિવ સામે આવ્યાં છે. જ્યારે અમેરિકામાં અત્યાર સુધીમાં 9 લોકોના મોત નિપજ્યાં છે.