કર્ણાટકના બેંગલુરુમાં સોમવાર 12 સપ્ટેમ્બરના રોજ એક મહિલા તેની 13 વર્ષની પુત્રી સાથે એક રૂમમાં મૃત હાલતમાં મળી આવી હતી.
બેંગલુરુમાં એક અજીબો ગરીબ ઘટના સામે આવી
ઘરમાં રહેલ પાલતું કુતરાને લઈને આત્મહત્યા કરી
યુવતીના પિતાએ ફરિયાદ નોંધાવતા પતિની ધરપકડ
કર્ણાટકના બેંગલુરુમાં સોમવાર 12 સપ્ટેમ્બરના રોજ એક મહિલા તેની 13 વર્ષની પુત્રી સાથે એક રૂમમાં મૃત હાલતમાં મળી આવી હતી. પ્રાથમિક તપાસમાં આત્મહત્યાનો મામલો લાગી રહ્યો છે અને તેની પાછળનું કારણ આશ્ચર્યજનક છે. સમાચાર મુજબ મહિલાના પતિ અને સાસરિયાઓએ પાળેલા કૂતરાને ઘરની બહાર કાઢી મુકવાની ના પાડી દીધી, જેના કારણે મહિલાએ કથિત રીતે તેની પુત્રી સાથે આત્મહત્યા કરી લીધી. ઘટના ઈસ્ટ બેંગ્લોરના બનાસવાડીના HBR લેઆઉટની છે. 36 વર્ષીય દિવ્યા અહીં તેના પતિ, પુત્રી અને સાસુ સાથે રહેતી હતી. તેમની પુત્રી હૃદય 6ઠ્ઠા ધોરણમાં અભ્યાસ કરતી હતી.
આત્મહત્યા માટે ઉશ્કેરવાનો પ્રયાસ
મીડયાના રીપોર્ટ મુજબ દિવ્યાના પિતા રમણ એમે આ મામલે પોલીસ ફરિયાદ નોંધાવી છે. તેણે દિવ્યાના પતિ અને તેના સાસરિયાઓ પર તેને આત્મહત્યા માટે ઉશ્કેરવાનો આરોપ લગાવ્યો છે. તેના પિતાની ફરિયાદ મુજબ, દિવ્યાને કૂતરાથી એલર્જી હતી અને તેને શ્વાસ લેવામાં પણ તકલીફ હતી. આ અંગે ડૉક્ટરોએ તેમને કૂતરાથી દૂર રહેવાની સલાહ આપી હતી.
ઘરમાં પાળેલ કૂતરાને લઈને સવાલ
પિતાનો આરોપ છે કે સોમવારે જ્યારે દિવ્યાએ તેના પતિ અને સાસરિયાઓને ઘરમાં પાળેલા કૂતરાને બહાર રાખવા કહ્યું તો તેઓએ ના પાડી દીધી અને દલીલ કરી કે ઘરમાં રહેતો કૂતરો તેના સ્વાસ્થ્યને અસર કરશે નહીં.
પિતાએ ફરિયાદ નોંધાવી હતી
દિવ્યાના પિતાએ ફરિયાદમાં જણાવ્યું હતું કે દિવ્યા અને તેના સાસરિયાઓ વચ્ચે ઝઘડો થયો હતો જે બાદ તે તેની પુત્રી સાથે તેના રૂમમાં જતી રહી હતી અને દરવાજો બંધ કરી દીધો હતો. જ્યારે દિવ્યા લાંબા સમય સુધી બહાર ન આવી ત્યારે તેના સાસરિયાઓએ બારીમાંથી જોયું કે તેણે તેની 13 વર્ષની પુત્રી સાથે કથિત રીતે આત્મહત્યા કરી લીધી હતી.
પતિની ધરપકડ કરવામાં આવી
પિતાના કહેવા મુજબ દિવ્યાએ અગાઉ પણ આત્મહત્યાની ધમકી આપી હતી પરંતુ તેના પતિ અને સાસરિયાઓએ આ વિશે કોઈ પગલું ભર્યું ન હતું. પોલીસે દિવ્યાના પતિ શ્રીનિવાસ, સાસુ વસંત અને સસરા જનાર્દન વિરુદ્ધ ગોવિંદપુરા પોલીસ સ્ટેશનમાં આત્મહત્યા માટે ઉશ્કેરવાનો કેસ નોંધ્યો છે. શ્રીનિવાસની પણ ધરપકડ કરવામાં આવી છે અને તેને ન્યાયિક કસ્ટડીમાં મોકલી દેવામાં આવ્યો છે. પોલીસે વધુ તપાસ કરી રહી છે.