શું દુનિયામાં ફેલાતા નવા રોગ 'મંકીપોક્સ'નું કારણ 'સંબંધ' બનાવવાનું છે? સ્વાસ્થ્ય નિષ્ણાંતોએ આ મુદ્દે લોકોને જાગૃત કરતા મોટી ચેતવણી જાહેર કરી છે.
શું રિલેશન બાંધવાના કારણે ફેલાઈ રહ્યું મંકીપોક્સ?
જાણો એક્પર્ટ્સે શું કહ્યું
ચેતાવણી જાહેર કરી લોકોને કર્યા જાગૃત
કોરોના વાયરસની મહામારી વચ્ચે વિશ્વમાં વધુ એક મોટી બીમારી ફેલાવા લાગી છે. આ રોગનું નામ 'મંકીપોક્સ' છે. વિશ્વના ઘણા દેશોમાં આ રોગના દર્દીઓ સામે આવ્યા છે. આરોગ્ય નિષ્ણાતો ચિંતિત છે કે આ રોગ કેવી રીતે ફેલાય છે. હવે આ બીમારી પર ડોક્ટર્સે એવો મોટો ખુલાસો કર્યો છે, જેને જાણીને તમે પણ ચોંકી જશો.
શું કહે છે ડોક્ટર્સ?
ડોકટર્સનું કહેવું છે કે આ રોગ ફેલાવાનું કારણ હજુ સ્પષ્ટ થયું નથી. પરંતુ આ જીવલેણ રોગના ફેલાવા માટે સેક્સુઅલ રિલેશનશિપ એક મોટું કારણ હોઈ શકે છે. ડોકટરોના મતે, જો તમે 'મંકીપોક્સ'થી પીડિત વ્યક્તિ સાથે સેક્સ કરો છો, તો તમને આ રોગ થવાની સંભાવના છે.
શું છે મંકીપોક્સ ?
મંકી પોક્સ એક દુર્લભ અને ગંભીર વાયરલ બીમારી છે.
ફ્લૂ જેવી બીમારી છે જેમાં લિમ્ફ નોડ્સમાં સોજો આવે છે.
ચહેરા અને શરીર પર દાણા દાણા જેવું જોવા મળે છે
સંક્રમણ 2થી 4 અઠવાડિયા સુધી ચાલે છે
આ વાયરસ લોકોમાં સરળતાથી નથી ફેલાતો
દર્દીના શરીરના પ્રવાહી કે મંકીપોક્સના જખમના સંપર્કથી ફેલાય છે.
વાંદરાઓ, ઉંદરો અને ખિસકોલી જેવા ચેપગ્રસ્ત પ્રાણીઓના સંપર્કથી ફેલાઇ શકે છે.
વાયરસથી દૂષિત વસ્તુઓ, જેમ કે પથારી અને કપડાંના સંપર્ક દ્વારા પણ ફેલાય છે.
કેવા હોય છે લક્ષણો?
તાવ, માથાનો દુઃખાવો, સોજા, પીઠ દર્દ, માંસપેશીઓમાં દુઃખાવો થાય છે
એકવાર તાવ ઉતરી જાય પછી આખા શરીરમાં ફોલ્લીઓ થાય છે.
ચહેરા પર ફોલ્લીઓ થવાની શરુઆત થાય છે.
સામાન્ય રીતે હાથની હથેળીઓ અને પગના તળિયામાં ફોલ્લીઓ જોવા મળે છે.
ફોલ્લીઓને કારણે ખંજવાળ પણ વધારે આવે છે.
ધીરે ધીરે ફોલ્લીઓ સુકાઇ જતા પોપડાની જેમ ખરી પડે છે અને ડાઘ પડે છએ.
14થી 21 દિવસ સુધી આ ચેપ જોવા મળે છે.
આ રોગનું કારણ હજુ સુધી બહાર આવ્યું નથી
આરોગ્ય નિષ્ણાતોના મતે, 'મંકીપોક્સ' એ શીતળા અથવા અછબડાની જેમ એક પોક્સ છે, પરંતુ હજુ સુધી આ રોગ ફેલાવવાનું કારણ અને સારવાર શોધી શકાઈ નથી. જો કે વિશ્વભરના દર્દીઓની સંખ્યા જોયા બાદ આ રોગના કેટલાક સામાન્ય લક્ષણો વિશે જાણકારી મળી છે જેમાં ગરદન, પીઠ અને માથામાં દુખાવો, તાવ, ધ્રુજારી, થાક અને શરીર પર નાના-નાના નિશાનોનો સમાવેશ થાય છે.
બ્રિટનમાં આવ્યા 9 કેસ
મહત્વનું છે કે મે 2022 ની શરૂઆતમાં યુકેમાં મંકીપોક્સના 9 કેસની ઓળખ કરવામાં આવી હતી. તેનો પહેલો કેસ નાઇઝિરિયામાં સામે આવ્યો હતો. જેને લઇને બ્રિટનની સ્વાસ્થ્ય સુરક્ષા એજન્સીઓ સતર્ક થઇ ગઇ છે. તેઓનું કહેવુ છે કે મંકીપોક્સ એક દુર્લભ વાયરસ છે અને તે સરળતાથી ફેલાતો નથી.
સમલૈંગિકોમાં માટે ચેતાવણી
બ્રિટનમાં અત્યારસુધીમાં મંકી પોક્સના મોટા ભાગના કેસમાં એવા પુરુષોના છે જે ગે અથવા બાયસેક્સ્યૂઅલ છે. આ વાત યુકે હેલ્થ સિક્યોરિટી એજન્સી દ્વારા કહેવામાં આવી છે. આ જોતાં એજન્સીએ સમલૈંગિક પુરુષોને પણ ચેતવણી આપી છે. અત્યારસુધી મંકી પોક્સને સેક્સ્યૂઅલી ટ્રાન્સમિટેડ બીમારી માનવામાં નથી આવી પરંતુ હવે હેલ્થ એક્સપર્ટ્સે ગે અને બાયસેક્સ્યૂઅલ પુરુષોને ચેતવણી આપી છે. એક્સપર્ટ્સે જણાવ્યું કે જો તેમને કોઈપણ લક્ષણ દેખાય તો તરત સેક્સ્યૂઅલી હેલ્થ ચેકઅપ કરાવે.