મોટાભાગના લોકો જૂના સ્પીકર, ફોન ડિવાઈસ સાચવીને રાખે છે પણ આમ કરવું જોખમી બની શકે છે.
ઈલેક્ટ્રોનિક ઉપકરણોની પણ એક્સપાયરી ડેટ હોય છે
જૂના ઉપકરણો ફક્ત તમને જ નહીં પણ પર્યાવરણને પણ નુકસાન પહોંચાડે છે
જૂના ઉપકરણોને સાચવી રાખવા જોખમી બની શકે
જો તમારા ઘરમાં જૂના ઉપકરણો પડ્યા હોય તો તમારે સાવધાન રહેવાની જરૂર છે. આ જૂના ઉપકરણો ફક્ત તમારા માટે જ નહીં પણ પર્યાવરણને પણ નુકસાન પહોંચાડે છે. જો કે આવા ઉપકરણોને રિસાયકલ કરી શકાય છે. કંપનીઓ ભલે પેકેજિંગ પર નથી લખતી પણ ઈલેક્ટ્રોનિક ઉપકરણોની પણ એક્સપાયરી ડેટ હોય છે. મોટાભાગના લોકો જૂના સ્પીકર, ફોન ડિવાઈસ સાચવીને રાખે છે પણ આમ કરવું જોખમી બની શકે છે. કેટલીક વસ્તુઓ અથવા જૂના ઉપકરણો રિસાયક્લિંગ માટે તુરંત થર્ડ કંપનીને મોકલી આપવી જોઈએ. તેનાથી પર્સનલ અને પર્યાવરણીય ડેમેજ ઓછું થાય છે.
જૂનો ફોન
સ્માર્ટફોન અને ફીચર ફોનમાં લિથિયમ-આયન બેટરી હોય છે અને તે ઝડપથી ડેમેજ પણ થાય છે. આવી બેટરીથી જોખમ વધી જાય છે. ભૂતકાળમાં પણ બેટરી વિસ્ફોટની અનેક ઘટનાઓ સામે આવી છે. જેના કારણે મિલકત સહિત અન્ય વસ્તુઓને નુકસાન થઈ શકે છે. આવી સ્થિતિમાં જો ઘરના ડ્રોઅરમાં જૂનો ફોન હોય તો તેને કાઢી નાખવા જોઈએ.
જૂનું રાઉટર
જો તમે હજી પણ જૂના રાઉટરનો ઉપયોગ કરો છો તો તમને નુકસાન થઈ શકે છે. સાયબર ક્રિમિનલ સિક્યોરીટી તેની ખામી શોધીને લાભ લઈને તમારા રાઉટરને હેક કરી શકે છે. આ સિવાય ઈલેક્ટ્રોનિક પ્રોડક્ટનો વધુ ઉપયોગ કરવાથી શોર્ટ સર્કિટ અને આગ લાગી શકે છે.
જૂની હાર્ડ ડ્રાઈવ
જૂની હાર્ડ ડ્રાઈવો સલામત દેખાઈ શકે છે, પરંતુ તે હોતી નથી. હાર્ડ ડ્રાઈવમાં એલ્યુમિનિયમ, પ્રોટેક્ટિવ પોલિમર, પ્લાસ્ટિક અને મેગ્નેટ હોય છે. તમે તેને ડ્રોઅરમાં બંધ કરીને લાંબા સમય સુધી રાખી શકતા નથી. જો હાર્ડ ડ્રાઈવ ખૂબ જૂની છે, તો તેને સુરક્ષિત રીતે ડેટાની નકલ કરીને રિસાયકલ કરી શકાય છે.
જૂના પાવર કેબલ્સ
જૂના પાવર કેબલોમાં ઇન્સ્યુલેશન પ્રોપર્ટી પૂરી થઈ શકે છે. તેમાં સ્પાર્ક અથવા શોક લગવાનું જોખમ દર્શાવે છે. જો તે વધુ ખતરનાક હોય તો આગ પણ લાગી શકે છે. આ કારણોસર, સમયાંતરે જૂના કેબલની તપાસ કરાવો અને જો જરૂરી હોય તો તેને બદલો.
તૂટેલી દિવાલ પર લાગેલ સોકેટ
જો તમારા ઘરમાં બાળકો હોય તો તૂટેલી દીવાલ પર સોકેટ્સ ખતરનાક બની શકે છે. તેમાં હાજર નટ્સ, બોલ્ટ અને તૂટેલા ટુકડા બાળકને નુકસાન પહોંચાડી શકે છે. જો તમારા ઘરમાં તૂટેલી દિવાલ સોકેટ હોય તો તેને તરત જ બદલી નાખો.