હેલ્થ / ચા ના રસિકો માટે મોટા સમાચાર- શું ચા પીવાથી ખરેખર વજન વધે છે? જાણો શું છે હકીકત..

• ફેટ વાળા દૂધની ચા બનાવીને પીઓ છો તો તમારા શરીરમાં ચરબી વધશે 
• તમે દિવસની 2-3 કપ ચા પીઓ છો તો તમારો વજન વધુ વધી શકે છે. 
• ચા માં મધ અથવા ગોળનો ઉપયોગ પણ કરી શકો છો

આપણામાંથી ઘણા લોકોને દરરોજ સાવરે ઊઠીને ચા પીવાની આદત તો જરૂરથી હશે . ઘણાને કહેતા સાંભળ્યું છે કે ચા વિના મારો સવારનો દિવસ નથી ઊગતો કે ઊંઘ નથી ઊડતી. ઘણા લોકોનું પસંદિતા મોર્નિંગ ડ્રિંક ચા છે અને એક કપ ચાથી જ દિવસની શરૂઆત કરે છે. ઘણા લોકો ચા પીધા પછી જ એનર્જેટિક મહેસુસ કરે છે. એવામાં ઘણા લોકો તો દિવસમાં 4-5 કપ ચા પી લે છે તો ઘણા તો તેનાથી ઘણી વધુ ચા પીવે છે. પણ સ્વસ્થ રહેવા માટે લોકો ચા થી દૂર રહેવાની સલાહ આપે છે. પણ શું તમે તેની પાછળનું કારણ જાણો છો? નહીં તો ચાલો અમે તમને જણાવી.

દરેક વસ્તુ માપમાં સારી આ વાત આપના વડીલો જરૂરથી કહેતા હશે. એ વાત ચા પીનાર લોકો પર પણ એટલી જ લાગુ પડે છે લોકો દૂધ વાળી ચા થી દૂર રહેવાની સલાહ આપે છે. એમ માન્યતા છે કે દૂધ વાળી ચા પીવાથી વજન વધે છે પણ એ સાચી વાત નથી. ચા માં પડતી સામગ્રી ઉપર આ વાતનો આધાર છે કે તમારું વજન વધશે કે નહીં. સામાન્ય રીતે ચા બનાવવામાં દૂધ અને ખાંડનો ઉપયોગ કરવામાં આવે છે કારણકે તેના વિના ચા અધૂરી છે. પણ આ બંને સામગ્રી વજન વધારવામાં યોગદાન આપે છે. જો તમે વધુ ફેટ વાળા દૂધની ચા બનાવીને પીઓ છો તો તમારા શરીરમાં ચરબી અને તમારો વજન બંને વધી શકે છે. એમ જ જો તમે સામાન્ય દૂધવાળી ચામાં અડધી ચમચી ખાંડ નાખીને ચા પીઓ છો તો એનાથી એક વર્ષમાં તમારા શરીરનો માત્ર  એક કિલો જ વજન વધે છે. એમ જ જો તમે દિવસની 2-3 કપ ચા પીઓ છો તો તમારો વજન વધુ વધી શકે છે. 

ફિટ રહેવા માટે ચા પીતા સમયે આ વાતનું રાખો ધ્યાન- 

ચા માં ખાંડના વપરાશનું પ્રમાણ ઘટાડો 
મીઠાશ વિના ચા અધૂરી છે પણ આ તમારા સ્વાસ્થ્ય માટે ઘણું ફાયદેમંદ છે.  જો તમે ચા માં ખાંડનો ઉપયોગ નહીં કરો અથવા નહિવત પ્રમાણમાં કરશો તો સ્વાસ્થ્યને ઘણો ફાયદો પંહોચાડશે. જો તમને મીઠી ચા પસંદ છે તો તમે ખાંડની જગ્યા એ ચા માં મધ અથવા ગોળનો ઉપયોગ પણ કરી શકો છો. 

ફેટવાળા દૂધનો ઉપયોગ ઓછો કરો 
જો તમે ચા પીવાના શોખીન છો અને તમે ચા નું વ્યસન છોડી નથી શકતા તો ચા માં લો ફેટ દૂધનો ઉપયોગ કરવાની આદત બનાવી લો. આ સિવાય પાઉડર દૂધનો ઉપયોગ કરવાનું ટાળો.